आगलागीमा परेर बालिकाको ज्यान गयाे

 चैत ११, २०७५ सोमबार ९:२६:७ | उज्यालो सहकर्मी
unn.prixa.net

दाङ – दाङमा आगलागीमा परेर एक बालिकाको ज्यान गएको छ । आगलागीमा परेर राप्ती गाउँपालिका–१ बगाह सोतीका हिमाल रानाको १ महिनाकी छोरी संगिताको ज्यान गएको हो । 

हिमालका ३ वर्षीय छोरा अमितले खेल्ने क्रममा सलाई काेरेर फाल्दा सुतिरहेकी संगिताको कपडामा आगो सल्किएकाे थियाे । आगोमा परेर गम्भीर घाइते भएकी बालिकाको उपचारको क्रममा बुुटवल प्रादेशिक अस्पतालमा ज्यान गएको जिल्ला प्रहरी कार्यालय दाङले जनाएको छ ।

यस्तै, विद्युतको तार सट हुुँदा बंगलाचुली गाँउपालिका–८ झिम्डीका फनादर घर्तीको घर पूर्णरुपमा जलेर नष्ट भएको छ । आगलागीमा घरमा रहेका अन्नपात, कपडा जलेर नष्ट भएको छ ।
 

अन्तिम अपडेट: फागुन ३०, २०८०

तपाईको प्रतिक्रिया