अन्तिम अभ्यास खेलमा नेपाली यू-१९ क्रिकेट टिम आन्ध्र प्रदेशसँग १ विकेटले पराजित

चैत १६, २०७५ शनिबार १९:१०:१३ | उज्यालो सहकर्मी

आइसीसी यू–१९ विश्वकप छनोटको तयारीका लागि भारत भ्रमणमा रहेको नेपाली यू-१९ क्रिकेट टिम अन्तिम अभ्यास खेलमा आन्ध्र स्टेट यू-१९ क्रिकेट टिमसँग एक विकेटले पराजित भएको छ ।

पहिले ब्याटिङ गरेको नेपाली यू-१९ ले निर्धारित ५० ओभरमा ९ विकेटको गुमाउँदै २ सय ५१ रन बनायो । नेपालका लागि सन्दीप जोराले ६९ रनको योगदान गरे । उनले ६७ बलमा ३ छक्का र ४ चौका प्रहार गरे ।

त्यस्तै राशिद खानले ४४, हरि बहादुर चौहान ३५, शेर मल्ल १७, अभिषेक बस्नते ३५ र रित गौतमले २२ रनको योगदान गरे ।

जवाफमा आन्द्रको युवा टिमले नौ विकेट गुमाउँदै लक्ष्य पुरा गर्यो । कमजोर सुरुवात गरेपनि उसका मध्यक्रमका खेलाडीले उत्कृष्ट ब्याटिङ गर्न सफल भए । खाता खोल्न नपाउँदै पहिलो विकेट गुमाएको आन्ध्रले दोस्रो विकेटका लागि ५४ रनको साझेदारी गरेको थियो ।

उसको जितमा नितीस कुमारले ७४ रन बनाए भने सुब्रमनियमले २९ र राम प्रसादले २७ रनको योगदान गरे । यस्तै दरानीकुमार र जोनी बासाले समान ३२–३२ रन जोडे । बलिङमा नेपालका पवन सराफले तीन तथा प्रतिस जीसीले दुई विकेट लिए ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्