बार एशोसियसनको चुनाव सम्पन्न: मतपेटिका काठमाण्डौ ल्याएपछि गणना सुरु गरिने

 चैत १६, २०७५ शनिबार २०:४९:१२ | उज्यालो सहकर्मी
unn.prixa.net

काठमाण्डौ  - कानून व्यवसायीहरुको छाता सगठन नेपाल बार एशोसियसनको नयाँ कार्यसमितिका लागि झण्डै ८१ प्रतिशत मतदाताले मतदान गरेका छन् ।

१० हजार ३ सय १३ मतदातामध्ये ८ हजार ३ सय २९ जनाले मत खसालेको निर्वाचन समितिका सदस्य शिव रिजालले जानकारी दिनुभयो । काठमाण्डौबाहिर ३४ ठाउँमा मतदान भएकोले सबै मतपेटिका काठमाण्डौ ल्याएपछि मात्रै गणना शुरु गरिने उहाँले बताउनुभयो ।

अहिलेसम्म विराटनगर, धनगढी, नेपालगन्ज, भैरहवा, चितवन बुटवल लगायत ठाउँको मतपेटिका संकलन भइसकेको र भोलिसम्ममा बाँकी सबै मतपेटिका काठमाडौं ल्याई पर्सीदेखि मत गणन सुरु गर्ने तयारी छ ।

बारको २५ सदस्यीय कार्यसमितिको लागि देशभरका ३५ मतदान केन्द्रमा मतदान भएको थियो ।

 

अन्तिम अपडेट: चैत २, २०८०

तपाईको प्रतिक्रिया