अमेरिकामा दोस्रो पटक सुँगुरको मिर्गाैला जीवित मानिसमा प्रत्या...
बैशाख १३, २०८१ बिहिबार
नेपाली महिला फुटबल टिमले ओलम्पिक छनोटको दोस्रो चरणको खेलमा अहिले म्यानमारसँग प्रतिस्पर्धा गरिरहेको छ ।
पहिलो हाफको खेल सकिँदा नेपालविरुद्ध म्यानमारले दुई-एक गोलको अग्रता बनाएकाे छ । २२ औं मिनेटमा म्यानमारले गोल गर्दै अग्रता बनाएको थियो । तर नेपालले पहिलो हाफको इन्जुरी समयमा गोल फर्काउँदै खेल बराबरीमा ल्याएको हो । त्यसअघि ३८औंं मिनेटमा नेपालका लागि सावित्रा भण्डारीले वान भर्सेस वानको अवस्थामा पनि गोल गर्न असफल भएकी थिइन् ।
४३ औं मिनेटमा लगातार तीन पटक पोस्ट चार्ज हुँदा पनि गोल हुन सकेन् । त्यतिबेला सावित्रा भण्डारी र निरु थापाले प्रहार गरेको बल गोल नभएको हो । निरुले प्रहार गरेको बल बारमा लागएर फर्कियो भने सावित्राको प्रहार किपरले विफल बनाइन् । इन्जुरी समयमा नेपालकी कप्तान निरुले उत्कृष्ट गोल गर्दै खेल बराबरीमा ल्याएकी हुन् ।
दाेस्राे हाफ सुरु भएकाे पाँच मिनेटमै नेपाली खेलाडीले डिबक्स एरियामा म्यानमारका खेलाडीलाई लडाएपछि म्यानमारले पेनाल्टी पायाे । म्यानमारका लागि ७ नम्बर जर्सीकी खेलाडीले पेनाल्टीमार्फत गाेल गर्दै अग्रता दाेब्बर बनाइन् ।