सहकारी प्रकरणमा मुछिएका दीपेश पुन धराैटी बुझाएर रिहा
बैशाख १४, २०८१ शुक्रबार
बाँके - नेपालगञ्ज उप–महानगरपालिका वडा नम्बर २३ मा निर्माण भैरहेको आधुनिक ल्याण्डफिल साइट वैशाख पहिलो सातादेखि सञ्चालनमा ल्याउने गरी आन्तरिक तयारी गरिएको छ ।
उप–महानगरपालिकाका इञ्जिनियर शैलेन्द्र महर्जनले निर्माण सम्पन्न गर्न बाँकी रहेका सबै काम सम्पन्न गरेर वैशाख ५ गते उद्घाटन गर्ने गरी आन्तरिक तयारी अघि बढाइएको जानकारी दिनुभयो । एसियाली विकास बैंकको सहयोगमा एकीकृत शहरी विकास आयोजना अन्तर्गत ३३ करोड ८८ लाख २७ हजार ३२५ रुपैयाँको लागतमा ल्याण्डफिल साइटको निर्माण कार्य शुरु भएको हो । १२ विघा १९ कठ्ठा जग्गामा ल्याण्डफिल साइट निर्माण भैरहेको छ ।
महर्जनका अनुसार, ल्याण्डफिल र्साटमा फोहोर ल्याइएपछि पहिलो चरणमा कुहिने खालको फोहोर कम्पोष्ट मल तयार गर्न प्रयोग गरिनेछ । इट्टा, ढुंगा लगायतका नकुहिने फोहोर भने सेलमा राखेर माटोले च्यापिनेछ । त्यसका लागि आवश्यक संरचना र चारवटा सेल निर्माण गरिएको छ ।
फोहोर व्यवस्थापनका लागि स्थानीयलाई सचेत बनाउँदै ५ हजार ५०० बाल्टिन घरमा र करिब एकसय थान ठूलो खालको डस्टबिन वितरण गरिने छ ।