आन्द्रे रसेलले बनाए १३ बलमा ४८ रन, कोलकाताले बेंग्लोरलाई ५ विकेटले हरायो

चैत २३, २०७५ शनिबार ५:४६:१९ | उज्यालो सहकर्मी

आन्द्रे रसेलको विस्फोटक पारीको सहयोगमा शुक्रबार राति इन्डियन प्रिमियर लिगमा कोलकाता नाइटराइडर्सले रोयल च्यालेन्जर्स बेंग्लोरलाई ५ विकेटले हराएको छ । योसँगै कोलकाताले जारी सिजनमा तेस्रो जित हात पारेको छ भने बेंगलोरले लगातार पाँचौ हार व्यहोरेका छ ।

बेंग्लोरले दिएको २०६ रनको लक्ष्य पछ्याउने क्रममा कोलकाताले पहिलो ओभरमै शानदार प्रदर्शन गर्यो । तर दोस्रो ओभरको पाँचौ बलमा नवदीप सैनीले कोलकाताका ओपनिङ ब्याट्सम्यान सुनिल नारायणलाई आउट गरे । नारायण १० रन बनाएर पेभेलियन फर्किए । पहिलो विकेटका लागि नारायणले क्रिस लिनसँग २८ रनको साझेदारी गरे

सुनिल नारायण आउट भएसँगै ब्याटिङका लागि आएर विकेटकीपर ब्याट्सम्यान रोबिन उथप्पा । उनले क्रिस लिनसँग मिलेर कोलकाताको स्कोर ९० पार गराए । तर ९.५ ओभरमा पवन नेगीले उथप्पालाई टिम साउथीको हातबाट क्याच गराए । उनले २५बलमा ६ चौकाको सहयोगमा ३३ रन बनाए । दोस्रो विकेटका लागि उथप्पाले लिनसँग ६५ रनको साझेदारी गरे ।

त्यसपछि ओपनिङ ब्याट्सम्यान क्रिस लिनका रुपमा कोलकाताको तेस्रो विकेट गयो । स्पिन बलर पवन नेगीले लिनलाई बोल्ड आउट गरे । लिनले ३१ बलमा ४ चौका र २ छक्काको सहयोगमा ४३ रनको शानदार पारी खेले । १५.४ ओभरमा युजवेन्द्र चहलले नितीश रानालाई आउट गरे । चहलले रानालाई स्थानापन्न खेलाडी हेनरिक क्लासेनको हातबाट क्याच आउट गराए । रानाले २३ बलमा एक चौका र २ छक्काको सहयोगमा ३७ रन बनाए ।

त्यसपछि १७ औँ ओभरको अन्तिम बलमा नवदीप सैनीले कोलकाताका कप्तान दिनेश कार्तिकदाई चहलबाट क्याच आउट गराए । कार्तिक १९ रनमा आउट भए ।
त्यसपछि ब्याटिङका लागि आए आन्द्रे रसेल । आन्द्रे रसेलले १३ बलमा ४८ रनको योगदान दिएपछि बैंग्लोरले २०५ रनको योगफल पनि रक्षा गर्न सकेन । २६ बलमा ६६ रनको आवश्यकता परेको अवस्थामा क्रिजमा आएका रसेलले एक चौका र सात छक्का प्रहार गरे । उनले १९औँ ओभरमा चार छक्का र एक चौका प्रहार गरेपछि कोलकाताले जित हात पारेको हो । १९औं ओभरमा उनले टिम साउथीलाई आफ्नो ब्याटिङको जादु देखाउँदै निरीह बनाएका थिए । रसेलको उत्कृष्ट प्रदर्शनसँगै कोलकाताले पाँच बल बाँकी छँदै खेल जित्यो ।

यसअघि टस हारेर ब्याटिङको निम्तो पाएको बेंग्लोरले २० ओभरमा तीन विकेट गुमाउँदै २०५ रन बनाएको थियो ।

उसका लागि विराट कोहलीले ८४ रनको योगदान दिए । उनले ४९ बलमा नौ चौका र दुई छक्का प्रहार गरेका थिए । यस्तै एबी डी भिलियर्सले ३२ बलमा ६३ रन बनाए । उनले पनि पाँच चौका र चार छक्का प्रहार गरेका थिए ।

मार्क स्टोनिसले २८ रनको योगदान दिए भने पार्थिव पटेलले २५ रन जोडे ।

बलिङतर्फ कोलकाताका सुनिल नारायन, नितीश राना र कुलदीप यादवले एक–एक विकेट लिए ।

जितसँगै कोलकाताले चार खेलबाट ६ अंक बनाएको छ भने बेंग्लोर पाँच खेलमा जितविहीन छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्