पाँचथर गोल्डकप : न्यू स्टार क्लबलाई हराउँदै हिमालयन शेर्पा अन्तिम चारमा

चैत २८, २०७५ बिहीबार २०:१९:२० | उपेन्द्र येक्तेन

पाँचथर – फिदिममा जारी तेस्रो संस्करणको आमन्त्रित पाँचथर गोल्डकप फुटबल प्रतियोगितामा हिमालयन शेर्पा क्लब काठमाण्डौ अन्तिम चारमा प्रवेश गरेको छ ।

फिदिम माविको खेल मैदानमा बिहीबार सम्पन्न अन्तिम क्वार्टरफाइनल खेलमा न्यू स्टार क्लब सुनसरीलाई ४–३ गोल अन्तरले पराजित गर्दै हिमालयन शेर्पा क्लब अन्तिम चारमा प्रवेश गरेको हो ।

प्रतिस्पर्धात्मक खेलमा हिमालयनको तर्फबाट ९ औँ मिनेटमा क्याप्टेन मानबहादुर तामाङले पहिलो गोल गरे । यस्तै विदेशी खेलाडी ड्याडी वान्बाले २ गोल गरे । उनले १३ र २५ औँ मिनेटमा गोल गरे भने ६७ औँ मिनेटमा विजय श्रेष्ठले एक गोल थपे ।

सुनसरीको तर्फबाट ३९ औँ, ७२ औँ र ८२ मिनेटमा क्रमशः तिर्थ बस्नेत, दिनेश राई र रोसन भुजेलले एक÷एक गोल गरे । हिमालयनका ड्याडी खेलको म्यान अफ् द म्याच घोषित भए । उनले नगद पाँच हजार पाए ।

बिहीबारको खेलसँगै पाँचथर गोल्डकपको सेमिफाइनल समीकरण पूरा भएको छ । यसअघि डीएफसी मोरङ, दार्जीलिङ युनाइटेड भारत र विजय युथ क्लब, हेटौँडा प्रतियोगिताको सेमिफाइनलमा प्रवेश गरिसकेका छन् । प्रतियोगिताअन्तर्गत शुक्रबार पहिलो सेमिफाइनल खेलमा डीएफसी मोरङ र विजय युथ क्लब हेटौडाबीच प्रतिस्पर्धा हुनेछ ।

वैशाख २ गतेसम्म चल्ने प्रतियोगिताको विजेताले ट्रफीसहित नगद चार लाख तथा उपविजेता हुने टिमले नगद नगद २ लाख पाउनेछ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उपेन्द्र येक्तेन

पाँचथरका उज्यालो सहकर्मी उपेन्द्र येक्तेन इगल एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्