इण्डियन प्रिमियर लिग : आज दिल्ली र काेलकाताबीच प्रतिस्पर्धा हुने

चैत २९, २०७५ शुक्रबार १३:४२:२२ | उज्यालो सहकर्मी

इण्डियन प्रिमियर लिग आईपीएल अन्तर्गत शुक्रबार हुने एकमात्र खेलमा दिल्ली क्यापिटल्स र कोलकाता नाइट राइडर्सबीच प्रतिस्पर्धा हुँदैछ । दुईबीचको खेल कोलकाताको इडेन गार्डेन रंगशालामा राति सवा ८ बजेदेखि सुरु हुनेछ ।

आईपीएलमा दिल्लीको खेल आएसँगै सम्पूर्ण नेपाली क्रिकेट समर्थकमा एउटै कौतुहलता देखिन्छ कि नेपालकै प्रतिनिधित्व गरी आईपीएल खेलिरहेका सन्दिप लामिछाने टिममा परे कि परेनन् ?

दिल्लीका सुरुआती २ खेलमा टिममा नपरे पनि त्यसयता चार खेलमा लगातार खेलेर सन्दीपले ५ विकेट लिएका छन् ।

दुई दिनअघि रोयल च्यालेन्जर्स बैंग्लोरबिरुद्धको खेलमा मोइन अलीको विकेटसँगै सन्दीपले ट्वान्टी ट्वान्टी क्रिकेटमा ५० विकेट पूरा गरेका छन् । त्यस खेलमा सन्दीपले करिअरकै खराव बलिङ गर्ने क्रममा ४६ रन खर्चेका थिए । त्यसैले यस खेलमा उनी टिममा नपर्ने टिप्पणी हुने गरेको छ ।

तर, कोलकाताबिरुद्धको यसअघिको प्रदर्शन सन्दीपको राम्रो थियोे । घरेलु मैदान फिरोज साह कोट्ला मैदानमा भएको खेलमा सन्दीपले १ विकेट लिएका थिए । उनले दिल्लीका अन्य बलरको तुलनामा उत्कृष्ट खेलेका थिए ।

त्यस खेल दिल्लीले सुपर ओभरमा जितेको थियो । दुवै टिमले १८५ रन बनाएपछि खेल सुपर ओभरमा धकेलिएको थियो । जहाँ दिल्लीका कागिसो रावाडाले सानदार बलिङ गरेका थिए ।

६ खेलबाट ४ जित र २ हारको नतिजासहित ८ अंक बनाएको कोलकाता लिगको दोस्रो स्थानमा छ भने समान खेलबाट ३ जित र ३ हारको नतिजासहित ६ अंक जोडेको दिल्ली छैटौं स्थानमा छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्