नेपालले दियो यूएईलाई २ सय ४८ रनको लक्ष्य, चौहानले डेब्यूमै अर्धशतक बनाए

चैत ३०, २०७५ शनिबार ११:३९:२३ | उज्यालो सहकर्मी

काठमाण्डौ -आइसीसी यू–१९ विश्वकपको एशिया छनोट अन्तर्गत यूएईविरुद्धको खेलमा नेपालले सबै विकेट गुमाउँदै २ सय ४७ रन बनाएको छ ।

टस हारेर ब्याटिङको निम्ता पाएको नेपालका लागि हरिबहादुर चौहानले डेब्यू खेलमा नै अर्धशतक (६७ रन) बनाएका छन् । त्यस्तै भीम सार्कीले ५३, रित गौतमले ४४ रन र आशिफ शेखले २७ रनको योगदान दिए ।

यूएईका लागि रिषभ मुखर्जीले सर्वाधिक ४ विकेट लिँदा मुहम्मद फराजुद्दिनले ३ विकेट लिए । त्यस्तै आरोन बेन्यामिन, अलिशान शरार्फ र पलानियापन मियप्पनले समान १-१ विकेट लिए । यूएईका आर्यन लाक्राले विकेट नलिए पनि १० ओभरको स्पेलमा १ मेडन राख्दै जम्मा १७ रन दिए ।

पहिलो पटक यू–१९ टिममा स्थान बनाएका चितवनका हरिले यूएईविरुद्ध पाएको मौकालाई सदुपयोग गर्दै नटआउट हुँदे ७४ बलमा ६७ रन बनाए । उनले ७ वटा चौका प्रहार गरे । नेपाली टिम कठिन स्थितिमा रहेको बेला क्रिजमा आएका हरिले भीम सार्कीसँग ९२ रनको साझेदारी गरेका थिए ।

घरेलु क्रिकेटमा आफूलाई प्रमाणित गरिसकेका हरिले प्रधानमन्त्री कप क्रिकेटमा शतक बनाउनुका साथै ह्याट्रिक लिने खेलाडी बनेका थिए । यसपटक प्रशिक्षक विनोद दासले उनको क्षमताको कदर र उनले गरेको प्रदर्शनका आधारमा टिममा राखेका हुन् । सिंगापुरविरुद्धको खेलमा उनी बेन्चमा रहेपछि यूएईविरुद्ध राम्रो ब्याटिङ लाइनअप बनाउन प्रशिक्षक दाशले उनलाई मौका दिएका हुन् ।

२ सय ४८ रनको लक्ष्य पाएको यूएई केही बेरमा नेपालविरुद्ध ब्याटिङमा उत्रँदैछ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्