सनराइजर्स हैदराबादलाई हराउँदै दिल्ली क्यापिटल्स आईपीएलको दोस्रो स्थानमा उक्लियो

वैशाख २, २०७६ सोमबार ७:३९:५६ | उज्यालो सहकर्मी

इन्डियन्स प्रिमियर लिगमा दिल्ली क्यापिटल्सले आइतबार भएको खेलमा सनराइजर्स हैदराबादलाई ३९ रनले हराएको छ । जितसँगै दिल्ली लिगको दोस्रो स्थानमा उक्लिएको छ ।

पहिले ब्याटिङ गरेको दिल्लीले २० ओभरमा सात विकेट गुमाउँदै एक सय ५५ रन बनायो । उसका लागि कप्तान श्रेयस ऐयरले ४५ तथा कोलिन मुन्रोले ४० रन बनाए ।

जवाफमा हैदराबाद मात्र १८ ओभर ५ बलमा एक सय १६ रनमा अलआउट भयो । राम्रो सुरुवात गरेको हैदराबादले पहिलो विकेटका लागि ७२ रनको साझेदारी गरे पनि त्यसपछिका ब्याट्सम्यान एकपछि अर्को रुपमा आउट भए । उसका लागि डेविड वार्नरले ५१ तथा जोनी बेयरिस्टोले ४१ रन बनाए ।

तर त्यसपछि हैदरावाद अरु ४४ रन बनाउँदा सबै विकेट गुमाउन पुग्यो । हैदराबादका लागि वार्नर र बेयरिस्टोबाहेक कसैले पनि दोहोरो अंकमा रन बनाउन सकेनन् । उसले १५ रनमा ८ विकेट गुमाएको थियो ।

उसलाई कम स्कोरमा रोक्न कागिसो राबाडाले चार तथा क्रिस मोरिस र कीमो पलले तीन तीन विकेट लिए । जितपछि दिल्ली आठ खेलमा ५ जितका साथ १० अंक बनाउदै दोस्रो स्थानमा उक्लेको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्