राष्ट्रिय खेलकुद प्रतियोगिता : बास्केटबलमा पुरुषतर्फ आर्मी र महिलातर्फ पुलिस क्लब प्रथम

वैशाख ४, २०७६ बुधबार १५:५६:१९ | उज्यालो सहकर्मी

दाङ -आठौँ राष्ट्रिय खेलकुद प्रतियोगिता अन्तर्गत बास्केट बल प्रतियोगितामा पुरुषतर्फ त्रिभुवन आर्मी क्लब र महिलातर्फ नेपाल पुलिस क्लब प्रथम भएका छन् ।

घोराही उपमहानगरपालिका वडा नम्बर १८ सालघारीमा गत चैत्र २८ गते देखि सुरु भएको प्रतियोगितामा ३ नम्बर प्रदेशलाई ५८-७६ स्कोरले हराउँदै त्रिभुवन आर्मी क्लब प्रथम भएको हो । प्रतियोगितामा ३ नम्बर प्रदेश दोस्रो हुन सफल भएको छ । त्यसैगरी गण्डकी प्रदेशलाई ५४-७४ स्कोरले पछि पार्दै नेपाल पुलिस क्लब तेस्रो भएको छ ।

यसैबीच महिलातर्फ प्रदेश ३ लाई २९-५४ स्कोरले पछि पार्दै नेपाल पुलिस क्लब प्रथम भएको छ । महिलातर्फ प्रदेश ३ दोस्रो भयो भने सुदूरपश्चिम प्रदेशलाई ३९-५१ स्कोरले पछि पार्दा त्रिभुवन आर्मी क्लब तेस्रो भएका छन् । प्रतियोगितामा ७ प्रदेश र तीन विभागीय खेलाडी गरी १० समूह प्रतिस्पर्धामा उत्रिएका थिए ।

प्रतियोगिता आज सकिएकाे छ । दाङ जिल्ला खेलकुद विकास समितिका सदस्य टोपेन्द्र थापाको अध्यक्षता एवं घोराही उपमहानगरपालिकाका प्रमुख नरुलाल चौधरीको प्रमुख आतिथ्यतामा विजयी खेलाडीहरुलाई प्रमाणपत्र र मेडल प्रदान गरिएको छ ।

कार्यक्रममा बोल्दै नगर प्रमुख चौधरीले खेलाडीमा उत्साह ल्याउन र पूर्वाधार तयार गर्न स्थानिय सरकार लागिपरेको बताउनुभयो । राष्ट्रिय खेलहरु दाङमा हुनु सबैका लागि सौभाग्य भएको भन्दै आगामी दिनमा थप लगानी बढाउने प्रतिबद्धता जनाउनुभयो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्