टोटनह्याम च्याम्पियन्स लिगको सेमिफाइनलमा, म्यानचेस्टर सिटी स्तब्ध

वैशाख ५, २०७६ बिहीबार ८:२०:५९ | उज्यालो सहकर्मी

अवे गोलमा म्यानचेस्टर सिटीलाई पाखा लगाउँदै टोटनह्याम च्याम्पियन्स लिगको सेमिफाइनलमा प्रवेश गरेको छ । टोटनह्याम ५७ वर्षपछि च्याम्पियन्स लिगको सेमिफाइनलमा पुगेको हो ।

घरेलु मैदान इतिहादमा भएको खेलमा सिटीले टोटनह्यामलाई चार तीन गोलले हराएपनि पहिलो लेगमा एक शून्यको हारले सिटीलाई ठूलो नोक्सानी भयो । जसका कारण सिटी अवे गोलमा पछि पर्दै च्याम्पियन्स लिगबाट बाहिरियो । टोटनह्याम च्याम्पियन्स लिगको सेमिफाइनलमा पुगेको यो दोस्रो पटक हो ।

गोलको वर्षा भएको खेलको चौथो मिनेटमा नै पउल स्ट्रलिङले गोल गर्दै सिटीलाई अग्रता दिलाए । तर त्यसको तीन मिनेटमा टोटनह्यामले खेल बराबरी गर्‍यो ।

१० औं मिनेटमा टोटनह्यामले गोल गर्दै खेलमा अग्रता लियो । उसका लागि दुवै गोल सन ह्युङ मिङले गरेका थिए । तर त्यसको एक मिनेटपछि नै बेर्नान्डो सिल्भाले गोल गर्दै खेललाई दुई–दुईको अवस्थामा पुर्‍याए ।

२१ औं मिनेटमा सिटीले फेरि खेलमा अग्रता बनायो । उसका लागि पउलले नै गोल गरे । पहिलो हाफ तीन दुईको अवस्थामा सकिएको खेलको ५९ औं मिनेटमा सर्जियो अगुइरोले गोल गर्दै सिटीलाई चार दुईको अवस्थामा पुर्‍याए । तर ७३ औं मिनेटमा लोरेन्टले टोटनह्यामका लागि गोल गरेपछि खेल चार तीनको अवस्थामा पुग्यो ।

त्यसपछि दुवै टिमबाट थप गोल भएन र टोटनह्यामले पहिलो लेगमा हात पारेको एक शून्यको जित उसलाई सेमिफाइनलमा पुग्न भाइटल बन्यो । समग्रमा खेल चार चारको अवस्थामा पुगेपछि अवे गोलमा टोटनह्यामले च्याम्पियन्स लिगमा ऐतिहासिक सफलता हात पार्‍यो ।

टोटनह्याम यसअघि १९६१ र ६२ को सिजनमा सेमिफाइनलमा पुगेको थियो ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्