आर्सनल र चेल्सी यूईएफए युरोपा लिगको सेमिफाइनलमा

वैशाख ६, २०७६ शुक्रबार ६:३५:४७ | उज्यालो सहकर्मी

आर्सनल र चेल्सी यूईएफए युरोपा लिगको सेमिफाइनलमा प्रवेश गरेका छन् । आर्सनलले नापोलीलाई हरायो भने चेल्सीले साल्भिया प्रागलाई पाखा लगाउदै अन्तिम चारमा स्थान बनाए ।

पहिलो लेगमा दुई शून्यको जित निकालेको आर्सनलले घरेलु मैदानमा भएको दोस्रो लेगमा एक गोल थप्दै समग्रमा तीन शून्यको जित निकाल्यो । आर्सनलको जितमा एलेजान्द्रे लाकाजेटीले गरेको एकमात्र गोल निर्णायक बन्यो । उनले खेलको ३६ औं मिनेटमा गोल गरेका थिए ।

करिब २५ यार्ड टाढाबाट गरेको प्रहार साझै गोलमा परिणत हुँदा नापोलीका गोलकिपरले भेउ पाउन सकेनन् । अब सेमिफाइनलमा आर्सनलले स्पेनिस क्लब भ्यालेन्सियासँग खेल्नेछ । जुन मे २ तारिखमा हुनेछ ।

युरोपा लिग अन्तर्गत नै क्वार्टरफाइनलको दोस्रो लेगमा चेल्सीले साल्भिया प्रागलाई चार तीन गोल अन्तरले हरायो । जसका कारण चेल्सीले समग्रमा पाँच तीन गोल अन्तरले सेमिफाइनलमा स्थान बनायो ।

पहिलो लेगमा एक शून्यको झिनो अग्रता बनाएको चेल्सीविरुद्ध दोस्रो लेगमा प्रागले निकै प्रतिस्पर्धात्मक खेलेको थियो । खेलको पाँचौ मिनेटमा पेद्रोको गोल मार्फत चेल्सीले अग्रता बनाएको थियो । त्यसपछि नवाैँ मिनेटमा डेलीले आत्मघाती गोल गरेपछि चेल्सी दुई शून्यले अगाडि रह्यो ।

त्यसपछि १७ औं मिनेटमा जिरुडले चेल्सीको अन्तर तीन शून्यमा पुर्‍याए । तर २५ औं मिनेटमा सुसेकले गोल गर्दै प्रागको अन्तर कम गरेका थिए । त्यसको दुई मिनेटमा चेल्सीले फेरि गोल गर्‍यो । यसपटक पनि उसका लागि पेद्रोले नै गोल गर्न सफल भए ।

दोस्रो हाफमा प्राग खेलमा फर्कने संकेत गरेको थियो, जसमा उसका लागि भेसिकले दुई गोल गर्दै अन्तर चार तीनमा पुर्‍याए । तर त्यसपछि दुवै टिमबाट गोल हुन सकेन र चेल्सीले सेमिफाइनलमा स्थान बनायो । अब सेमिफाइनलमा चेल्सीले फ्रान्कफर्टसँग खेल्नेछ ।

अन्तिम अपडेट: कात्तिक २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्