आईपीएल : रोमाञ्चक खेलमा कोलकाताविरुद्ध बेंग्लोरको जित

वैशाख ७, २०७६ शनिबार ६:१८:११ | उज्यालो सहकर्मी

इन्डियन प्रिमियर लिगको १२औँ संस्करण अन्तर्गत शुक्रबार भएको रोमाञ्चक खेलमा रोयल च्यालेञ्जसै बेंग्लोरले कोलकाता नाइटराइडर्सलाई १० रनले हराएको छ ।

कोलकाता नाइटराइडर्सका लागि नितीश राणा र आन्द्रे रसेलले विस्फोट पारी खेले पनि बेंग्लोरले दिएको २१४ रनको विशाल लक्ष्य भने पछ्याउन सकेनन् ।

२१४ रनको विजयी लक्ष्यसहित मैदानमा उत्रिएको कोलकाताले निर्धारित २० ओभरमा ५ विकेट गुमाउँदै २०३ रन बनायो ।

कोलकाताका लागि नितीश राणाले नटआउट ८५ रन बनाउँदै आन्द्रे रसेलले ६५ रन बनाए । आन्द्रे रसेलले मात्रै २५ बलमा ६५ रन बनाए । अन्तिमसम्म उनी टिकेको भए खेलको नतिजा नै अर्कै हुन सक्थ्यो । आउनेबित्तिकै उनले छक्काको वर्षा गर्न थालेका थिए । उनले दुई चौका र ९ छक्का प्रहार गरे ।

बेंग्लोरका लागि डेल स्टेनले २ तथा नवदीप सैनी तथा मार्कस स्टोइनिसले एक–एक विकेट लिए ।

त्यसभन्दा अघि टस हारेर पहिले ब्याटिङ गरेको बेंग्लोरले निर्धारित २० ओभरमा चार विकेट गुमाउँदै २१३ रन बनाएको थियो । आरसीबीका कप्तान विराट कोहलीले विस्फोटक ब्याटिङ गर्दै शतक प्रहार गरे । उनले ५८ बलमा ९ चौका र ४ छक्काको सहयोगमा १०० रन बनाएका हुन् । यो विराटको आईपीएलमा पाँचौ शतक पनि हो ।

त्यस्तै आरसीबीका लागि मोइन अलीले मात्र २८ बलमा ६६ रनको योगदान दिए । उनले ५ चौका र ६ छक्का प्रहार गरे ।

कोलकाताका लागि ह्यारी गुर्ने, सुनिल नारायण, कुलदीप यादव र आन्द्रे रसेलले एक–एक विकेट लिए ।

जितसँगै आरसीबीले ९ खेलमा २ खेलमा जित हात पार्दै ४ अंक बनाएको छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्