युभेन्टसले जित्यो इटालियन सिरी एको उपाधि

वैशाख ८, २०७६ आइतबार ६:२३:३२ | उज्यालो सहकर्मी

फिओरेन्टिनालाई २–१ ले हराउँदै युभेन्टसले इटालियन सिरी एको उपाधि जितेको छ । युभेन्टस पाँच खेल अगावै यो सिजनको इटालियन सिरी ‘ए’ को च्याम्पियन बनेको हो ।

शनिबार फिओरेन्टिना विरुद्धकाे खेलमा एलेक्स सान्द्रोको गोल र जर्मन पेजेल्लाको आत्मघाती गोल युभेन्टसलाई लगातार आठौं सिरी ए उपाधि जिताउन पर्याप्त बन्यो । फिओरेन्टिनाले सुरूवातमा अग्रता लिएको थियो ।

युभेन्टसको मैदानमा भएको खेलको छैटौँ मिनेटमा निकोला मिलेनकोभिचले गोल गर्दै फिओरेन्टिनालाई अग्रता दिलाएका थिए ।

३७औं निेटमा एलेक्स सान्द्रोले गोल गर्दै खेल बराबरीमा पुर्‍याए । ५३औं मिनेटमा जर्मन पेजेल्लाले आत्मघाती गोल गरेपछि युभेन्टसले २–१ को अग्रता लियो । फिओरेन्टिनाविरुद्धको जितसँगै युभेन्टसले पाँच खेल अगावै लिग जितेको हो ।

युभेन्टसले ३३ खेलबाट ८७ अंक जोडेको छ । जुन दोस्रो स्थानको नापोलीको भन्दा २० अंकले बढी हो । अब बाँकी ५ खेलमा हार व्यहाेरे पनि युभेन्टस पछि पर्ने छैन ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्