इण्डियन प्रिमियर लिग : कोलकाता हैदराबादसँग ९ विकेटले पराजित

वैशाख ९, २०७६ सोमबार ७:०:३० | उज्यालो सहकर्मी

इण्डियन प्रिमियर लिग अन्तर्गत आइतबारको खेलमा कोलकाता नाइट राइडर्स सनराइजर्स हैदराबादसँग ९ विकेटले पराजित भएको छ ।

हैदराबादमा भएको खेलमा कोलकाताले दिएको १६० रनको लक्ष्य घरेलु टिमले ३० बल बाँकी रहँदा एक विकेट गुमाएर पूरा गर्‍यो । हैदराबादको जितमा ओपनर ब्याट्म्यानहरु डेविड वार्नर र जोनी बेइस्र्टले पहिलो विकेटका लागि १३१ रनको उत्कृष्ट साझेदारी गरे ।

यी दुई ब्याट्स्म्यानले ७४ बलमा १३१ रन बनाएका हुन् । ब्यक्तिगततर्फ बेइस्र्टले ४३ बलमा अविजित ८० रन बनाए । उनले ७ चौका र चार छक्का प्रहार गरेका थिए । वार्नरले भने ३८ बलमा तीन चौका र पाँच छक्काको सहयोगमा ६७ रन जोडे ।

टस हारेर ब्याटिङको निम्तो पाएको कोलकाताले २० ओभरमा ८ विकेट गुमाउँदै १५९ रन बनाएको थियो । उसका लागि क्रिश लिनले ५१ रनको अर्धशतकीय पारी खेले । रिंकु सिंहले ३० रन बनाए भने सुनिल नराइनले ८ बलमा २५ रनको योगदान दिए । आन्द्रे रसेलले पनि ९ बलमा १९ रन जोडे ।

बलिङतर्फ खालिल अहमेदले तीन विकेट लिए भने भुवनेश्वर कुमारले दुई विकेट हात पारे । जितसँगै हैदराबादले ९ खेलबाट १० अंक बनाएको छ । कोलकाताको भने समान खेलबाट ८ अंक छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्