गाैरिकाले आफ्नै रेकर्ड तोडिन्, एकै दिन जितिन् चार स्वर्ण पदक

वैशाख १०, २०७६ मंगलबार १९:५६:१५ | उज्यालो सहकर्मी

बाँके - आठौँ राष्ट्रिय खेलकुदअन्तर्गत पौडीतर्फ मंगलबार दुईवटा राष्ट्रिय कीर्तिमान तोडिएका छन् । प्रतियोगितामा गौरिका सिंह र शुभम श्रेष्ठले आफ्नै नाममा रहेको कीर्तिमानमा सुधार गरिन् ।

आर्मीकी गौरिकाले १०० मिटर बटरफ्लाईमा स्वर्ण जित्दा १ मिनेट ७.९७ सेकेण्ड मार्क गरिन् । यसअघि यो विधामा उनले १ मिनेट ८.६३ सेकेण्डको कीर्तिमान थियो । यो विधामा १ मिनेट १४.०७ सेकेण्डमा दूरी पूरा गर्दै आर्मीकै डुवाना लामा दोस्रो र एपीएफकी श्रीबी महर्जन थप सात सेकेण्डले पछि पर्दै तेस्रो भइन् ।

पुरुषको ५० मिटर ब्रेस्ट स्ट्रोकमा एपीएफका शुभमले स्वर्ण जित्दा ३१.६० सेकेण्ड समय लगाए । यसअघि उनको नाममा ३२.०१ सेकेण्डको रेकर्ड थियो । पुलिसका दिपांकर अवाले दोस्रो र प्रदेश १ का बेदज्ञ राज जोशी तेस्रो भए ।

आर्मीकी गौरिका सिंहले कीर्तिमानसँगै चार स्वर्ण हात पारिन् । उनले महिला दुई सय मिटर ब्याकस्ट्रोक, दुई सय मिटर फ्रिस्टाइल, एक सय मिटर बटरफ्लाई र चार गुणा एक सय मिटर रिलेको स्वर्ण पनि कब्जा गरिन् ।

पुरुषतर्फको खेलमा एनआरएनएका नाथन दोर्जी शेर्पाले दुई सय मिटर ब्याकस्ट्रोकको स्वर्ण पदक जित्दा नेपाल पुलिसका गौरभ लामाले २०० मिटर फ्रिस्टाइलको स्वर्ण हात पारे ।

एक सय मिटरको फ्रिस्टाइलको स्वर्ण पदक आर्मीका अनुभव सुब्बाले जित्दा चार गुणा एक सय मिटर रिलेको स्वर्ण पदक नेपाल पुलिस क्लबले हात पार्‍यो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्