म्यानचेस्टर डर्बीमा सिटीको जित, इंग्लिस प्रिमियर लिगको उपाधि जित्न लिभरपुललाई दबाब

वैशाख १२, २०७६ बिहीबार ७:८:४५ | उज्यालो सहकर्मी

म्यानचेस्टर डर्बीमा सिटीले युनाइटेडलाई हराएपछि इंग्लिस प्रिमियर लिगको उपाधि होड निकै रोमाञ्चक मोडमा पुगेको छ । बुधबार राति भएको खेलमा सिटीले युनाइटेडलाई दुई शून्यले हरायो ।

युनाइटेडको घरेलु मैदान वर्ल्ड ट्राफोर्डमा भएको खेलमा सिटीको जितले लिभरपुललाई बाँकी सबै खेल जित्नै पर्ने दबाब बढेको छ भने सिटीलाई पनि राहत भएको छ । लिगमा बाँकी तीन खेल बाँकी हुँदा उपाधि कसले जित्छ भन्ने उत्सुकता झन् बढेको छ ।

ओले गुनरको टिम युनाइटेडले घरेलु मैदानमा सिटीलाई पहिलो हाफमा गोलरहित बराबरी बराबरीमा राखेको थियो । तर दोस्रो हाफमा सिटीले उत्कृष्ट फुटबल खेल्न सफल भयो । खेलको ५४ औं मिनेटमा बर्नान्डो सिल्भाले गोल गर्दै टिमलाई एक शुन्यको अग्रता दिलाए । यो सिजन उनको यो आठौं गोल हो । त्यसपछि ६६ औं मिनेटमा लरोइ सानेले सिटीको अग्रता दुई शून्यमा पुर्‍याए ।

एभर्टन विरुद्ध चार शून्यको हार ब्यहोरेपछि खलबलिएको युनाइटेड सिटी विरुद्ध पनि खासै राम्रोसँग जम्न सकेन । जसका कारण उसले अन्तिमसम्म पनि गोल गर्न सकेन र घरेलु मैदानमा हार ब्यहोर्‍यो । यसका साथै यसले लिगमा लगातार दुई खेलमा हार ब्यहोर्‍यो । जितपछि सिटीले ३५ खेलमा ८९ अंक बनाएको छ भने लिभरपुलको समान खेलबाट ८८ अंक छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्