आर्सनल उल्भरह्याम्टनसँग पराजित

वैशाख १२, २०७६ बिहीबार ७:२८:३५ | उज्यालो सहकर्मी

उल्भरह्याम्टनसँग पराजित भएपछि आर्सनलको प्रिमियर लिगमा शीर्ष चारमा रहने संभावना लगभग समाप्त भएको छ । अर्को सिजनको च्याम्पियन्स लिग खेल्नका लागि शीर्ष चारमा रहन संघर्षरत आर्सनल बुधबार राति भएको खेलमा उल्भरह्याम्टनसँग तीन एकले पराजित भयो ।

घरेलु मैदानमा उल्भ्सले पहिलो हाफमा नै तीन गोलको अग्रता बनाएको थियो । २८ औं मिनेटमा नेभेसले गोल गर्दै टिमलाई एक शून्यको अग्रता दिलाए । त्यसपछि ३७ औं मिनेटमा डोहेर्तेले उल्भ्सको अन्तर दुई शून्यमा लम्ब्याए । पहिलो हाफको इन्जुरी समयको दोस्रो मिनेटमा जोटाले गोल गर्दै टिमलाई तीन शून्यले अगाडि राखे ।

पहिलो हाफमा नै तीन गोल खाएको आर्सनलले दोस्रो हाफमा केही सुधारिएको खेल खेलेको थियो । तर पर्याप्त गोल फर्काउन भने सफल भए । ८० औं मिनेटमा डिफेन्डर सोक्रातिसले ग्रानीत झाकाको कर्नरमा गोल गर्दै खेल तीन एकको अवस्थामा पुर्‍याएका थिए ।

तर त्यसपछि दुबै टिमबाट गोल हुन सकेन र पराजित भयो । जितपछि उल्भ्स लिगको सातौं स्थानमा उक्लिएको छ भने ६६ अंक बोकेको आर्सनल पाँचौ स्थानमा रहेको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्