बारा र पर्सामा हावाहुरीले भत्काएका घर बनाउने जिम्मा नेपाली सेनालाई

सेनालाई झण्डै ८५ करोड रुपैयाँ दिने मन्त्रिपरिषद्को निर्णय

 बैशाख १२, २०७६ बिहिबार १७:३६:९ | उज्यालो सहकर्मी
unn.prixa.net

काठमाण्डौ – सरकारले बारा र पर्सामा हावाहुरीले भत्काएका घर निर्माणको जिम्मा नेपाली सेनालाई दिएको छ । 

बर्खाअघि नै पीडितका घर निर्माणको जिम्मासहित नेपाली सेनालाई ८४ करोड ६८ लाख रुपैयाँ बजेट दिने निर्णय गरिएको सरकारका प्रवक्ता तथा सञ्चार तथा सूचना प्रविधिमन्त्री गोकुल बाँस्कोटाले जानकारी दिनुभयो । 

वैशाख ५ र १० गते बसेको मन्त्रिपरिषद् बैठकका निर्णयबारे जानकारी दिन भएको पत्रकार सम्मेलनमा उहाँले हावाहुरीबाट भत्किएका १४ सय ५३ वटा घर सेनाले नै बनाउने बताउनुभयो । 

सरकारले छुट्याएको रकम अनुसार सेनाले एउटा घर बराबर ५ लाख ८२ हजार ८ सय रुपैयाँ पाएको छ । 

यस्तै सरकारले कतारका लागि नेपाली राजदूत रमेश कोइरालालाई सरकारले बोलाउने भएको छ । शेरबहादुर देउवा प्रधानमन्त्री भएको बेलामा नियुक्ती पाएका कोइरालालाई ओली सरकारले फिर्ता बोलाएको हो । 
 

अन्तिम अपडेट: चैत १, २०८०

तपाईको प्रतिक्रिया