इण्डियन प्रिमियर लिग : डेविड वार्नर र राशिद खान चम्किदा हैदरावादको सहज जित

वैशाख १७, २०७६ मंगलबार ७:१८:२७ | उज्यालो सहकर्मी

किंग्स इलेभेन पञ्जावलाई ४५ रनले हराउँदै सनराइजर्स हैदराबादले इण्डियन प्रिमियर लिगको प्लेअफमा पुग्ने सम्भावना बलियो बनाएको छ ।

हैदराबादस्थित राजिव गान्धी स्टेडियममा भएको खेलमा डेविड वार्नरले अर्को एउटा विस्फोटक इनिङ खेलेपछि घरेलु टिमले ६ विकेटको क्षतिमा २१२ रनको विशाल योगफल तयार पारेको थियो । वार्नरले ५६ बलमा ८१ रन बनाउँदा ७ चौका र २ छक्का प्रहार गरेका थिए । मनिष पाण्डेले पनि २५ बलमा ३६ रन बनाए भने ऋद्धिमान शाहले १० बलमा २० रन बनाए ।

बलिङतर्फ मोहम्मद शामी र रविचन्द्रन आश्विनले २–२ विकेट लिए ।

२१३ रनको लक्ष्य पछ्याएको पञ्जाव २० ओभरमा ८ विकेट गुमाउँदै १६७ रनमा सीमित भयो । पञ्जावका लागि केएल राहुलले सर्वाधिक ७९ रनको योगदान दिए । उनले ५६ बलमा ४ चौका र ५ छक्का प्रहार गरेका थिए । मायांक अग्रवालले २७ रन बनाए भने निकोलास पुरनले २१ रन बनाए । अन्य खेलाडीको प्रदर्शन अझ खराब रह्यो ।

बलिङतर्फ राशिद खान र खालिल अहमेदले ३ विकेट लिए भने सन्दीप शर्माले २ विकेट हात पारे । जितसँगै हैदराबाद चौथो स्थानमा उक्लिएको छ । उसको १२ खेलबाट १२ अंक छ ।

चेन्नइ सुपर किंग्स र दिल्ली क्यापिटल्स प्लेअफमा पुगिसेका छन् भने बाँकी दुई स्थानका लागि चार टिमको दाबेदारिता छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्