फुटबल, क्रिकेट र शारीरिक सुगठनका विजेता खेलाडीहरुलाई सरकारकाे सम्मान

वैशाख १९, २०७६ बिहीबार १४:१६:२२ | उज्यालो सहकर्मी

काठमाण्डाै - सरकारले फुटबल, क्रिकेट र शारिरीक सुगठनका विजेता खेलाडीहरुलाई नगदसहित सम्मान गरेको छ ।

युवा तथा खेलकुद मन्त्रालयले बिहीबार सिंहदरबारमा यूएईविरुद्धको एक दिवसीय र टी–२० सिरिजका विजेता क्रिकेट खेलाडी, १२ औं सागमा स्वर्ण पदक विजेता फुटबल खेलाडी र विश्व शारीरिक सुगठनका स्वर्ण पदक विजेता खेलाडी महेश्वर महर्जनलाई नगदसहित सम्मान गरेको हो ।

जस अनुसार युवा तथा खेलकुद मन्त्री जगत विश्वकर्माले नेपाली क्रिकेट टिमका विजेता खेलाडीहरुलाई जनही ५ लाख नगदसहित सम्मान गर्नुभयो । क्रिकेट टोलीका कप्तान पारस खड्का, उपकप्तान ज्ञानेन्द्र मल्ल, बसन्त रेग्मी, सन्दीप लामिछाने, करण केसी तथा सोमपाल कामी नगद ५ लाखसहित सम्मानित हुनु भएको हो ।

त्यसैगरी क्रिकेटकै पवन सर्राफ, सन्दिप जोरा, भीम सार्की, प्रदिप ऐरी, दीपेन्द्रसिंह ऐरी, विनोद भण्डारी, ललितनारायण राजवंशी, अविनाश बोहरा, आरिफ शेख र रोहित कुमार पौडेललाई पनि नगद ५ लाख सहित सम्मान गरिएको छ ।

सरकारले क्रिकेट प्रशिक्षक जगत टमाटालाई पनि ३ लाख नगदसहित सम्मान गरेको छ । मन्त्री विश्वकर्माले ब्याटिङका प्रशिक्षक उमेश पटुवा, ट्रेनर नन्डियाडा सुवाषचन्द्र पात्रो, फिजियो दिनेश भट्ट र म्यानेजर रमन शिवाकोटीलाई पनि जनही २ लाख नगदले सम्मान गर्नुभएको थियो ।

कार्यक्रममा नेपाली क्रिकेट टिमका कप्तान पारख खड्काले सरकारले सो सम्मानबाट आफूहरुलाई झनै उत्साही बनाएको बताउनु भयो । उहाँले त्यस अवसर अझै राम्रो खेल खेलेर नेपालको मान, सम्मान विश्वमा अझै उचाईमा पुर्‍याउने प्रतिबद्धता पनि व्यक्त गर्नुभयो ।

सरकारले सन् २०१६ मा भारतमा सम्पन्न भएको १२ औं साग खेलकुद प्रतियोगितामा फुटबलतर्फ स्वर्ण पदक हात पार्न सफल नेपाली फुटबल टिमका खेलाडीहरुलाई पनि जनही ३ लाखका दरले पुरस्कार दिएको छ ।

नगद पुरस्कार पाउने खेलाडीहरुमा कप्तान विराज मर्हजन, एलन न्यौपाने, विकेश कुथु, अनन्त तामाङ, मानबहादुर तामाङ, आदित्य चौंधरी, दिनेश राजवंशी, कमल श्रेष्ठ, जगजित श्रेष्ठ, विशाल राई रहेका छन । त्यसैगरी विक्रम लामा, हेमन राई, प्रकाश बुढाथोकी, सुनिल बल, रञ्जन विष्ट, सुमन लामा, अन्जन विष्ट, नवयुग श्रेष्ठ र विमल घर्तीमगरलाई पनि जनही ३ लाखका दरले सम्मान गरिएको छ ।

कार्यक्रममा विश्व शारीरिक सुगठनका च्याम्पियन महेश्वर महर्जनलाई पनि ५ लाख नगद प्रदान गरिएको थियो । कार्यक्रममा बोल्दै युवा तथा खेलकुदमन्त्री विश्वकर्माले नेपालको मान र शान बढाउने खेलाडीहरुलाई सम्मान गर्न पाएकोमा गौरवको अनुभूति भएको प्रतिक्रिया दिनुभयो । उहाँले नेपालको खेलकुद क्षेत्रको विकास, विस्तार र समृद्धिका लागि आवश्यक पूर्वाधार विकासको कामलाई प्राथमिकताका साथ अघि बढाउने प्रतिवद्धता पनि दोहोर्‍याउनु भयो ।

कार्यक्रममा राष्ट्रिय खेलकुद परिषदका उपाध्यक्ष पिताम्बर तिमिल्सिना, सदस्य सचिव केशवकुमार विष्टलगायतको उपस्थिति रहेको थियो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्