संखुवासभामा करेन्ट लागेर एक जनाको ज्यान गयो, ५ घाइते

वैशाख १९, २०७६ बिहीबार १६:१५:५५ | नवीन गुरुङ

संखुवासभा – संखुवासभाको सभापोखरी गाउँपालिका–६, स्वाचीमा विद्युत्तको करेन्ट लागेर एक जनाको ज्यान गएको छ । करेन्ट लागेर अन्य पाँच जना घाइते भएका छन् ।

बुधबार साँझ ७ः३० बजे अचानक विद्युत्तको झट्का लाग्दा २३ वर्षीय भूपाल विश्वकर्माको ज्यान गएको जिल्ला प्रहरी कार्यालय संखुवासभाका प्रहरी निरीक्षक शिवनारायण यादवले बताउनुभयो । उहाँका सभापोखरी गाउँपालिका वडा नं.–६ का ३६ वर्षीय तारा विश्वकर्मा, १४ वर्षीया मन्जु विश्वकर्मा, ६५ वर्षीया भगवती विश्वकर्मा करेन्ट लागेर घाइते भएका छन् ।

विद्युत्तको झट्काले उनीहरुको हातको छाला पिल्सिएकाले थप उपचारका लागि जिल्ला अस्पताल खाँदबारी ल्याइएको छ । त्यसैगरी ६० वर्षीय कुलबहादुर विश्वकर्मा, ५६ वर्षीय धनमान वनेमको अवस्था सामान्य नै रहेकाले उनीहरुको सभापोखरी गाउँपालिकामा नै रहेको बाह्रबिसे मेडिकल हलमा उपचार भइरहेको प्रहरीले जनाएको छ ।

घरमा जडान भएको विद्युत लाइनको बत्ती बाल्ने र मोबाइल फोन चार्ज गर्ने क्रममा लागेको विद्युत्तको झट्काले एक जनाको ज्यान गएको हो । साथै पाँच जना घाइते भएको प्रहरीको भनाइ छ । विद्युत सर्ट हुँदा करेन्ट गाँउभरि नै फैलिएकाले उनीहरु घाइते भएका हुन् ।

विद्युत सर्ट कसरी गाउँभरि फैलियो भन्ने अनुसन्धान भइरहेको विद्युत वितरण शाखा कार्यालय खाँदबारीका प्रमुख ध्रुव अधिकारीले बताउनुभयो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नवीन गुरुङ

संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

संखुवासभामा करेन्ट लागेर एक जनाको ज्यान गयो, ५ घाइते

करेन्ट लागेर घाइते भएकाहरुको खाँदबारी अस्पतालमा उपचार हुँदै

तपाईको प्रतिक्रिया