विराटनगर राजधानीको विरोधमा चारजना सांसदले लेखे ‘नोट आफ डिसेन्ट’

 बैशाख २२, २०७६ आइतबार २०:४२:४१ | सुमन तिमल्सिना
unn.prixa.net

माेरङ - प्रदेश १काे राजधानी विराटनगर राख्ने विपक्षमा ४ जना धनकुटाका सांसदले संसदीय दलको बैठकमा नोट अफ डिसेन्ट लेखेका छन्  ।

धनकुटालाई राजधानी तोक्नुपर्ने माग राख्दै आएका सांसदहरुले नोट आफ डिसेन्ट लेखेका हुन्  । यसरी नोट अफ डिसेन्ट लेख्ने सांसदहरुमा निरन राई, ईन्द्रमणि पराजुली, कुसुम श्रेष्ठ र कमला मादेन रहेका छन् । उनीहरु चारैजना धनकुटाका हुन् । यीनै ४ जनाले धनकुटालाई राजधानी बनाउनु पर्ने प्रस्ताव समेत संसद सचिवालयमा दर्ता गराएका छन् ।

आम नागरिकको चाहना अनुसार आफुहरु विराटनगर भन्दा बाहिरको निर्णयमा जान नसकेर नोट आफ डिसेन्ट लेख्नुपरेको सांसद ईन्द्रमणि पराजुलीले बताउनुभयाे ।

ऐतिहासिक पुरानो क्षेत्रीय सदरमुकामलाई ध्वस्त पार्नेगरी बृहत बिराट क्षेत्रभित्र विराटनगरलाई राजधानी तोकेर जाने दलको निर्णय विरुद्धमा उत्रिनु परेको उहाँको भनाइ छ । त्यसैकाे लागि आफूहरुले २०४८ सालदेखि आन्दोलन गरिरहेकाेले नेकपा जिल्ला पार्टीको निर्णय अनुसार नोट अफ डिसेन्ट लेखिएको पराजुलीले बताउनुभयाे  । 

अन्तिम अपडेट: असार १, २०७६

सुमन तिमल्सिना

उज्यालोका माेरङ सहकर्मी सुमन तिमल्सिना विराटनगरको स्काई एफएममा पनि काम गर्नुहुन्छ । 

तपाईको प्रतिक्रिया