हुरीले आधार शिविर झरेका आरोही सगरमाथा चढ्न फेरि उकालो लागे

वैशाख २३, २०७६ सोमबार १९:२५:३९ | उज्यालो सहकर्मी

काठमाण्डाै - मौसममा सुधार आएपछि सगरमाथा आधार शिविरमा झरेका आरोहीहरु गए रातिदेखि दोस्राे र तेस्राे शिविरतर्फ उकालो लागेका छन् ।

भारतमा आएको फणी नामको चक्रवातको प्रभावले हावाहुरी र हिमपात परेपछि सगरमाथाको दोस्राे र तेस्राे शिविरमा रहेका आरोहीहरु शुक्रबार राति र शनिबार आधार शिविर झरेका थिए ।

फणीकाे प्रभाव सकिएको र मौसममा सुधार आएकोले केही आरोही र सहयोगीहरु गएराति नै आधार शिविरबाट उकालो लागेको तथा केही आरोही आज राति उकालो लाग्ने तयारीमा रहेको आधार शिविरमा रहेका आरोही विजय घिमिरेले जानकारी दिनुभयो ।

शुक्रबार आएकाे हावाहुरीले दोस्राे र तेस्राे शिविरमा रहेका झण्डै एक सयवटा पाल उडाइदिएको थियो । यो वसन्त ऋतुमा ३ सय ७८ आरोहीहरूले सगरमाथा चढ्ने अनुमति लिएकाे पर्यटन विभागले जनाएको छ ।

नुप्से, ल्हाेत्से र पुमोरी हिमाल आरोहीहरू समेत सगरमाथा आधार शिविरमै रहने भएकोले अहिले झण्डै पाँच सय आरोहीहरू र तीनका सहयोगीहरू समेत गरेर त्यहाँ झण्डै २ हजार जति मानिसहरू छन् ।

यो ऋतुका लागि सगरमाथाको साउथकोलसम्मको बाटो बनाईसकिएको छ भने अबको १० दिनमा सगरमाथा शिखिरसम्मको बाटो तयार हुने सगरमाथा आधार शिविरका सम्पर्क अधिकृत ज्ञानेन्द्र श्रेष्ठले जानकारी दिनुभयो ।

अन्तिम अपडेट: फागुन १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

हुरीले आधार शिविर झरेका आरोही सगरमाथा चढ्न फेरि उकालो लागे

तस्बिर : पवन कार्कीकाे ट्विटर

तपाईको प्रतिक्रिया