इण्डियन प्रिमियर लिग : फाइनल प्रवेशका लागि मुम्बइ र चेन्नइ खेल्दै

वैशाख २४, २०७६ मंगलबार ८:६:७ | उज्यालो सहकर्मी

इण्डियन प्रिमियर लिग क्रिकेट आईपीएलको पहिलो क्वालिफायर मंगलबार चेन्नइकाे चिन्दाबराम रंगशालामा हुँदैछ ।

आर्एपीएलको शीर्ष दुई स्थानमा रहेका मुम्बइ र चेन्नइ बीचको खेलको विजेता सिधा फाइनलमा प्रवेश गर्नेछ । आईपीएलकै उत्कृष्ट दुई टिमबीचको क्वालिफायर खेल नेपाली समयअनुसार मंगलबार साँझ सवा ८ बजेदेखि सुरु हुनेछ ।

लिग चरणको अन्तिम खेलमा कोलकातालाई ९ विकेटको फराकिलो अन्तरले पराजित गरेपछि मुम्बइ १४ खेलबाट १८ अंकका साथ चेन्नइलाई रनरेटमा पछि पार्दै लिगको शीर्ष स्थानमा पुगेको हो । रोहित शर्मा नेतृत्वको मुम्बइले लिग चरणका दुवै खेलमा महेन्द्रसिंह धोनी नेतृत्वको चेन्नइलाई पछि पारेको छ ।

घरेलु मैदानमा मुम्बइविरुद्ध चेन्नाईको रेकर्ड राम्रो छैन । चिन्दाबराम रंगशालामा अहिलेसम्म भएका ६ खेलमध्ये मुम्बइले ४ खेल जितेको छ । तर, आईपीएल प्लेअफमा भने यी दुई टोलीले ७ पटक खेलेकोमा चेन्नइले ४ र मुम्बइले ३ पटक जितेका छन् ।

याे आईपीएलमा चेन्नइको बलियो पक्ष स्पिन बलिङ आक्रमण हो । ब्याटिङ र फाष्ट बलिङमा चेन्नइ टिम मुम्बइ भन्दा कमजोर देखिन्छ । तर, धोनीको रणनीति पनि निर्णायक बन्न सक्छ । तर, किरोन पोलार्ड र हार्दिक पण्ड्याको ब्याट चलेको दिन कसैको रणनीतिले काम गर्दैन भनिन्छ ।

यस खेलमा विजयी टोली सिधै फाइनलमा पुग्नेछ । पराजित हुने टोलीले फाइनल प्रवेशका लागि अर्को अवसर पाउनेछ ।

बुधबार हुने इलिमिनेटर खेलमा दिल्ली क्यापिटल्स र सनराइजर्स हैदराबाद आमने सामने हुँदैछन् । त्यस खेलको विजेता र आजको खेलमा पराजित हुने टिमबीच फाइनल प्रवेशका लागि भेट हुनेछ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्