पाथीभरा राष्ट्रिय पुरुष भलिबल:आर्मी, पुलिस, एपीएफ र गण्डकी प्रदेश सेमिफाइनलमा

वैशाख २४, २०७६ मंगलबार २०:३०:५५ | केशवप्रसाद भट्टराई

ताप्लेजुङ - तेस्रो संस्करणको पाथीभरा राष्ट्रिय पुरुष भलिबल प्रतियागिताको सेमिफाइनल समीकरण पूरा भएको छ ।

प्रतियोगितामा साविकको विजेता नेपाल पुलिस क्लबसहित, त्रिभुवन आर्मी क्लब, नेपाल एपीएफ क्लब र गण्डकी प्रदेशले सेमिफाइनलमा स्थान बनाएका छन् ।

ताप्लेजुङको साँघुमा रहेकाे नारायणी माविको खेल मैदानमा मंगलबार भएको पहिलो क्वाटरफाइनलमा पुलिस क्लबले प्रदेश ३ लाई ३–१ को सेटमा पराजित गर्दै अन्तिम चारको यात्रा तय गरेको हो । पुलिस क्लबले प्रदेश ३ लाई २५–११, २४–२५, २५–१५ र २५–१४ को सेटमा पराजित गर्यो ।

अब पुलिस क्लबले बुधबार हुने पहिलो सेमिफाइनलमा गण्डकी प्रदेशसँग खेल्ने खेल्नेछ ।

दोस्रो क्वाटरफाइनलमा गण्डकीले त्रिभुवन विश्वविद्यालय टिमलाई ३–० को सोझो सेटमा पराजित गर्दै पुलिस क्लबसँगको भेट पक्का गर्‍याे । गण्डकीले विश्वविद्यालय टिमलाई २५–१६, २५–११ र २५–१७ को सेटमा पराजित गर्यो ।

यस्तै आर्मीले प्रदेश २ लाई ३–० को सेटमा पराजित गर्दै अन्तिम चारको यात्रा तय गर्यो । आर्मीले प्रदेश २ लाई २५–१४,२५–१५ र २५–८ को सेटमा हरायो ।

अब आर्मीले फाइनल प्रवेशको लागि बुधबार एपीएफसँग खेल्नेछ । क्वाटरफाइनलमा एपीएफले प्रदेश १ लाई ३–० कै सोझो सेटमा पराजित गर्दै सेमिफाइनलमा स्थान बनायो । एपीएफले प्रदेश १ लाई २५–१५,२५–१४ र २५–२० को सेटमा हरायो ।

जलजले युवा क्लबको आयोजनामा जारी प्रतियोगिताको विजेताले नगद ३ लाख ५१ हजार ५ सय प्राप्त गर्नेछ । यस्तै उपविजेताले १ लाख ७६ हजार २५१ नगद प्राप्त गर्दा सेमिफाइनलमा पराजित दुई टोलीले नगद ५०–५० हजार पाउने आयोजकले जनाएको छ ।

प्रतियोगिताको सर्वोकृष्ट खेलाडीले १५ हजार पाउने छन् भने व्यक्तिगत विधामा उत्कृष्ट हुने सर्भर, डिफेन्डर, ब्लकर, क्विकर, स्पाइकर र प्रशिक्षकले समान ७–७ हजार पाउने छन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

केशवप्रसाद भट्टराई

केशवप्रसाद भट्टराई ताप्लेजुङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्