‘किक २’ मा दीपिकाले गर्लिन् त ज्याकलिनलाई रिप्लेस ?

वैशाख २५, २०७६ बुधबार १८:२२:४० | एजेन्सी

दीपिका पादुकोण यतिबेला उनले गरेका रिप्लेसमेन्टका कारण चर्चामा छिन् । हालै अनुराग वासुको फिल्म ‘इमली’ मा उनले अभिनेत्री कंगना रनावतलाई रिप्लेस गरेकी थिइन् ।

अहिले फेरि अभिनेता सलमान खानको ‘किक २’ अभिनेत्री ज्याकलिन फर्नान्डेजलाई पनि रिप्लेस गर्ने खबरहरु आएका छन् । दीपिकालाई ‘किक २’ का निर्माताहरुले एक महत्वपूर्ण भूमिकाको लागि कुराकानी गरिरहेका छन् । यस अघि ‘किक’ फिल्मको पहिलो भाग साजिद नाडियाडवालाले निर्माण गरेका थिए ।

गत वर्ष उनले ‘किक २’ को निर्माण गर्ने घोषणा गरेका थिए । तर फिल्मको स्क्रिप्ट तयार नभएपछि र सलमान खान पनि व्यस्त भएका कारण फिल्मको काम अगाडि बढ्न सकेन ।

अहिले भने फिल्मको स्क्रिप्ट तयार भइसकेको छ, तसर्थ साजिद र सलमान खान छिट्टै नै यस फिल्मको लागि अभिनेत्री फाइनल गर्नेछन् । यही क्रममा दीपिका पादुकोणलाई यस फिल्मका लागि प्रस्ताव गरिएको हो ।

यस फिल्मको पहिलो भागका लागि पनि दीपिकालाई नै प्रस्ताव गरिएको थियो । तर दीपिकाले समय अभावका कारण उक्त फिल्ममा काम गरेकी थिइनन् । सलमान खानको आगामी फिल्म ‘इन्शाअल्लाह’ का लागि पनि दीपिकाको चर्चा भएको थियो तर पछि आलिया भट्ट यस फिल्मका लागि फाइनल भएकी छिन् ।

दीपिकाले ज्याकलिनलाई रिप्लेस गर्ने खबर आइरहेका बेला फिल्ममा दीपिका र ज्याकलिन दुवै रहन सक्ने पनि चर्चा भइरहेको छ । तर दीपिकाको भूमिका फिल्ममा दमदार हुने बताइएको छ । दीपिका र ज्यालिनले यसअघि फिल्म ‘रेस २’ मा एकसाथ काम गरिसकेका छन् ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्