एक पैसा पनि कर नछोड्न आन्तरिक राजस्व विभागलाई अर्थमन्त्री खतिवडाको निर्देशन

 बैशाख २७, २०७६ शुक्रबार ११:५५:० | उज्यालो सहकर्मी
unn.prixa.net

काठमाण्डौ – अर्थमन्त्री डा. युवराज खतिवडाले आर्थिक वृद्धिदर बढेका क्षेत्रहरुमा करको दायरा बढाउन आन्तरिक राजस्व विभागलाई निर्देशन दिनुभएको छ । 

अर्थमन्त्री खतिवडाले कर योग्य क्षेत्रमा एक पैसा पनि कर नछोड्न र अनावश्यक क्षेत्रमा कर असुली नगर्न पनि सम्बन्धित निकायलाई सचेत गराउनुभयो ।

शुक्रबार आन्तरिक राजस्व विभागले काठमाण्डौमा आयोजना गरेको कार्यक्रममा बोल्दै उहाँले ८ प्रतिशतसम्म आर्थिक वृद्धिदर भएका क्षेत्रहरुमा करको दायरा बढाउन ढिलाई गरिएकोमा आक्रोश पनि व्यक्त गर्नुभयो । कृषि क्षेत्रबाहेकका अन्य क्षेत्रमा ६, ७ र ८ प्रतिशतसम्म आर्थिक वृद्धिदर भएकाले त्यसको करको दायरा बढाउन ढिलाई गर्न नहुने अर्थमन्त्री खतिवडाको भनाइ छ ।

अर्थमन्त्री खतिवडाले ‘सेल्स प्वाइन्ट’ मै मूल्य वृद्धि कर असुली गर्न पनि आन्तरिक राजस्व विभागका कर्मचारीहरुलाई सचेत गराउनुभयो । उहाँले सेल्स गर्ने तर मूल्य अभिवृद्धि कर तिर्न महिनौँ लगाउने प्रथाको अन्त्य गरेर अघि बढ्ने योजना पनि अघि सार्नुभयो ।

अन्तिम अपडेट: साउन २९, २०७६

तपाईको प्रतिक्रिया