राष्ट्रपतिद्वारा संस्कृतिविद् जोशीको दीर्घायूको कामना

वैशाख ३०, २०७६ सोमबार १२:२०:५३ | उज्यालो सहकर्मी

काठमाण्डाै - राष्ट्रपति विद्यादेवी भण्डारीले संस्कृतिविद् सत्यमोहन जोशीको दीर्घायू र सुश्वास्थ्यको कामना गर्नु भएको छ ।

राष्ट्रपति भण्डारीले संस्कृतिविद् जोशी सय वर्ष प्रवेश गरेको अवसर पारेर सोमबार उहाँकै निवास पाटनमा पठाउनु भएको मंगलकामना सन्देशमा नेपाली साहित्य र सांस्कृतिक भण्डारलाई समृद्ध बनाउन पुर्‍याउनु भएको योगदानको पनि उच्च प्रशंशा गरिएको छ ।

राष्ट्रपति भण्डारीले संस्कृतिविद् जोशीलाई पठाउनु भएको मंगलमय कामना सन्देश सोमबार बिहान उहाँकै निवासमा आयोजित एक समारोहमा पढेर सुनाइएको थियो । राष्ट्रपति भण्डारीले पठाउनु भएको सो सन्देशमा नेपाल भाषा र संस्कृतिको श्रीवृद्धिमा पनि उहाँले पुर्‍याउनु भएको योगदान उल्लेखनीय रहेको स्मरण गरिएको छ । कार्यक्रममा राष्ट्रपति भण्डारीले पठाउनु भएको सय अंक उल्लेख गरिएको चित्रसहितको बुकी र दोसल्लाद्वारा पनि संस्कृतिविद् जोशीलाई सम्मान गरिएको थियो ।

संस्कृतिविद् जोशी सय वर्ष पुगेको अवसर पारेर सोमबार विहान उहाँकै निवासमा आफन्तजनहरुले उहाँको सुस्वास्थ्य र दीर्घायूको कामना पनि गरेका छन । बिहानै निवासमा पुग्नु भएका ललितपुर महानगरपालिकाका मेयर चिरिबाबु महर्जन र उहाँको आफन्तहरुले उहाँको सुश्वास्थ्य र दीर्घायूको कामना गर्नु भएको हो । त्यस अवसरमा उहाँको दिर्घायू र सुश्वास्थ्यको कामना गर्दै नेवारी परम्परागत शैलीमा पूजापाठ पनि गरिएको थियो ।

यसैबीच, ललितपुर महानगरपालिकाले उहाँको सम्मानमा सोमबार सार्वजनिक बिदा पनि दिएको छ । यता, सरकारले पनि संस्कृतिविद जोशीलाई नेपालको संस्कृतिलाई समृद्ध बनाउन दिनु भएको योगदानको कदर गर्दै वाङमय शताब्दी पुरुषको सम्मान प्रदान गरिसकेको छ ।

अन्तिम अपडेट: फागुन १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्