पर्सा – जिराभवानी गाउँपालिका-२ बलुवामा बिहीबार साँझ ७ बजे गाेली चल्दा एकजना घाइते भएका छन् । घाइते हुनेमा ५५ वर्षीय फारुक सेख रहेका छन् । 

उहाँलाई आफ्नै भाइ सेख सराजुद्दिनले गाेली हानेका थिए । उनको पिठ्युँमा गोली लागेको प्रहरीले जनाएकाे छ । दाजु भाइबीच घरायसी विवाद हुँदा दाजु सेखलाई भाइले गाेली हानेका थिए । गोली लागेकाे सेखकाे अवस्था गम्भीर रहेकाे नारायणी अस्पतालले जनाएको छ । 

दाजुमाथि गाेली प्रहार गर्ने भाइलाई इलाका प्रहरी कार्यालय पटेर्वा सुगौलीले नियन्त्रणमा लिएको प्रहरीले जनाएकाे छ । उनकाे साथबाट नल कटुवाल पेस्तोल एक थान, तीन राउण्ड गोली र एक थान गोलीको खोका बरामद भएको जिल्ला प्रहरी कार्यालय पर्साका प्रहरी नायब उपरीक्षक अन्नतराज शर्माले जानकारी दिनुभयो । 

घाइते भएका सेखको नारायणी अस्पतालमा उपचार हुन नसपछि थप उपचारका लागि नेशनल मेडिकल शिक्षण अस्पताल वीरगञ्ज पठाएको छ ।