महोत्तरीमा सर्पले टोक्दा एकै रातमा चार जनाको ज्यान गयो

असार १८, २०७५ सोमबार १९:५२:१५ | धनवीर महतो

महोत्तरी – महोत्तरीको गौशाला र बर्दिवासमा गरी सर्पदंशका कारण एकै रातमा चार जनाको ज्यान गएको छ । सर्पदंशका कारण गौशाला नगरपालिकामा २ जना र बर्दिवास नगरपालिकामा २ जना गरी ४ जनाको ज्यान गएको वर्दिवासस्थित सर्पदंश उपचार केन्द्रले जनाएको छ ।

मृत्यु हुनेमा गौशाला नगरपालिका १२ का ३६ वर्षीय सुशीलकुमार सिंह र ११ वर्षीय मनिष राउत रहेको इलाका प्रहरी कार्यालय गौशालाले जनाएको छ । सुशील आइतबार साँझ खेतबाट काम गरेर फर्किएपछि अचानक बेहोश भएको र उनलाई तत्कालै उपचारको लागि बर्दिवासस्थित शुभस्वतिक हस्पिटलमा भर्ना गरिएको थियो । त्यहाँ उपचारको क्रममा सर्पले टोकेको पता लागेपछि थप उपचारको लागि बर्दिवासस्थित सर्पदंश उपचार केन्द्रमा रेफर गरिएको तर त्यहीँ उपचारका क्रममा उनको मृत्यु भएको प्रहरी निरीक्षक भोला भट्टले जानकारी दिनुभयो ।

त्यस्तै बर्दिवास नगरपालिका –५, का २७ वर्षीय बलबहादुर तमाङ, बर्दिवास नगरपालिका –६, का ७३ वर्षीया तिलकमाया राउतको मृत्यु भएको हो । तामाङको बर्दिवासस्थित सर्पदंश उपचार केन्द्रमा उपचार सम्भव नभएपछि थप उपचारको लागि बाहिर लैजाने क्रममा मृत्यु भएको हो भने राउतको उपचारको लागि ल्याउँदै गर्दा मृत्यु भएको सर्पदंश उपचार केन्द्रले जनाएको छ ।

पछिल्लो समयमा आएर भारी मात्रामा वर्षा भएपछि महोत्तरीमा सर्पदंशको घटना बृद्धि भएको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

धनवीर महतो

धनवीर महतो महोत्तरीकाे उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्