केलियन एम्बाप्पेले पीएसजी छोड्ने संकेत

जेठ ६, २०७६ सोमबार १२:३:३४ | उज्यालो सहकर्मी

फ्रान्सेली क्लब पेरिस सेन्ट जर्मेइन (पीएसजी)का युवा सुपरस्टार केलियन एम्बाप्पेले क्लब छाड्ने संकेत गरेका छन् ।

विश्व विजेता फ्रान्सेली टोलीका महत्वपूर्ण सदस्य एम्बाप्पेले लिग वानको उत्कृष्ट खेलाडी अवार्ड ग्रहण गर्ने क्रममा दिएको अभिव्यक्तिले युरोपेली फुटबल तरंगित बनेको छ ।

उनले भनेका छन्, ‘पक्कै पनि धेरै निराशाका क्षणहरु यस सिजन बिताउनुपर्यो, तर यो फुटबलको एउटा भाग हो । यो मेरा लागि सबैभन्दा महत्वपूर्ण क्षण बनिरहेको छ । म यस्तो अवस्थामा पुगेको छु कि सम्भवतः मेरो जीवनमा पहिलो वा दोस्रो निर्णायक क्षण आएको छ ।’

‘मैले यहाँ धेरै सिकेँ, मैले सोच्न थालेको छु कि अब अधिक जिम्मेवार हुनुपर्छ,’ आफ्नो क्लब पीएसजीप्रति अनुग्रहित हुँदै एम्बाप्पेले भने, ‘पीएसजीले मलाई ठूलो जिम्मेवारी दिनेछ वा अन्य नयाँ यात्राको सम्भावना पनि छ ।’

पीएसजीका प्रशिक्षक थोमस टचेल, एम्बाप्पेको यो अभिव्यक्तिबाट अचम्मित छन् । सन् २०१६ मा लोनमा पीएसजीमा अनुबन्ध भएका एम्बाप्पेले सन् २०१७ मा १६६ मिलियन युरोको सम्झौता गरेका थिए ।

एम्बाप्पेले विश्वकप जितिसकेका छन् । फ्रान्सेली टोलीबाट च्याम्पियन्स लिगको सम्भावना कमजोर देखेपछि उनी च्याम्पियन्स लिग जित्न योग्य टोलीमा आँखा लाइरहेका छन् । सायद त्यो सान्टियागो बर्नबाउ पनि हुनसक्छ ।

आइतबार राति आयोजित समारोहमा एम्बाप्पेले लिग वानको उत्कृष्ट खेलाडीसहित लगातार तेस्रोपटक युवा खेलाडीको अवार्ड पनि जितेका छन् । युनियन नेशनल डी फुटबलर्स प्रोफेसनल्सले यो अवार्ड आयोजना गरेको हो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्