भारतीय महिला लिग : सावित्राकाे सानदार प्रदर्शनमा सेथु फुटबल क्लब फाइनलमा

जेठ ६, २०७६ सोमबार १८:३५:४० | एजेन्सी

नेपाली फुटबलर सावित्रा भण्डारीको टिम सेथु भारतीय महिला लिग फुटबलको फाइनलमा प्रवेश गरेको छ ।

सावित्राले चार तथा ग्रेसले ह्याट्रिक गरेको खेलमा रतनवालाले एक गोल थपेकी थिइन् । सोमबार भएको सेमिफाइनलमा एसबीएस वुमन फुटबल क्लबलाई ८–१ गेलको फराकिलो जित निकाल्ने क्रममा सावित्राले ह्याट्रिक गरिन् । जारी लिगमा सावित्राको यो तेस्रो ह्याट्रिक पनि हो । १३ औं मिनेटमा ग्रेसले गोल गर्दै सेथुलाई अग्रता दिलाइन् ।

४१ औं मिनेटमा सावित्राले व्यक्तिगत पहिलो गोल गर्दा उनको टिम सेथु २–० ले अघि बढेको थियो । सावित्राले ग्रेसका क्रसमा गोल गरेकी थिइन् । पहिलो हाफको अतिरिक्त समयमा सुमित्राको पासमा गोल गर्दै सेथु ३–० ले अघि हुँदा ग्रेसले व्यक्तिगत दोस्रो गोल गरेकी थिइन् । पहिलो हाफमा ३–० को अग्रता बनाएको सेथुले दोस्रो हाफमा थप ४ गोल गरेको थियो भने एक गोल खान पुग्यो । नेपालकी सावित्राले दोस्रो हाफमा ह्याट्रिक पूरा गरेकी थिइन् ।

५२ औं मिनेटमा सेथुका लागि ग्रेसले ह्याट्रिक पूरा गरिन् । अस्टलताको पासमा हेडर मार्फत व्यक्तिगत दोस्रो गोल गर्दा उनको टिम सेथु ५–० ले अघि बढेको थियो ।

६५ औं मिनेटमा सावित्राले ह्याट्रिक पूरा गर्दा उनले अस्टलतादेवीको पासमा गोल गरेकी थिइन् । ७१ औं मिनेटमा एसएबीका लागि दुरान मराण्डीले सान्त्वना गोल फर्काइन् । ७३ औं मिनेटमा रतनवालाले टिमका लागि सातौं गोल गरिन् । ह्याट्रिक गरेकी सावित्राले ९० औं मिनेटमा व्यक्तिगत चौथो गोल गर्दा सेतु ८–१ गोलको फराकिलो अन्तरले विजयी हुँदै फाइनलमा पुग्न सफल भयो ।

सेथुले अब फाइनलमा मणिपुर पुलिस स्पोर्टस क्लबसँग प्रतिस्पर्धा गर्ने छ । जसलाई समूह चरणमा सेथुले ६–४ गोल अन्तरले पराजित गर्दा सावित्राले पहिलो ह्याट्रिक समेत गरेकी थिइन् ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्