एउटा स्याउको जत्रो तौल भएकी ‘विश्वकै सानी बालिका’ ५ महिनापछि अस्पतालबाट डिस्चार्ज

जेठ १७, २०७६ शुक्रबार ८:५३:३५ | एजेन्सी

अमेरिकाको एक अस्पतालमा २४५ ग्रामकी एक बालिकाको जन्मिएकी छिन् जसलाई ‘विश्वकै सबभन्दा सानो आकारको बालिका’ भनी सार्वजनिक गरिएको छ।

बालिकाको नाम सेबी राखिएको छ। बालिका जन्मिएको समयमा उनको तौल एउटा स्याउको जत्रो थियो । गएको वर्ष २०१८ को डिसेम्बर महिनामा बालिकाको जन्म भएको थियो । बालिका २३ हप्ता ३ तीनमै जन्मिएकी थिइन् ।

बालिका जीवितै रहने आशा निकै कम थियो । उनलाई क्यालिफोर्नियाको स्यानडिएगोमा रहेको सार्प मेरि बर्च अस्पतालमा राखिएको थियो । त्यतिबेला डाक्टरहरुले उनका आमाबाबुलाई बालिका केही समयमात्र जिवित रहन सक्ने बताएका थिए ।

५ महिनासम्मको कडा निगरानीमा उपचारपछि उनी अहिले स्वस्थ भई डिस्चार्ज गरिएको बीबीसीले उललेख गरेको छ। बालिकाकाे तौल अहिले साढे दुई किलो भएको जनाइएको छ।

द टिनिएस्ट बेबी रजिस्ट्रिका अनुसार समयभन्दा पहिले नै जन्मिएकी सेबी विश्वकै सबभन्दा सानी बालिका भएको बताइएको छ ।

आयवा युनिभर्सिटीद्वारा सञ्चालित रजिस्ट्रीका अनुसार यो भन्दा पहिले सन् २०१५ मा जर्मनीका एक बालकको नाम थियो जसको ताैल २५२ ग्राम थियो ।

यो वर्षको सुरुवातमा नै जापानमा एक बालकको जन्म भएको थियो, जसको तौल २६८ ग्राम थियो । समय भन्दा पहिला नै जन्मिएको सबैभन्दा सानो बालक उसैलाई मानिएको थियो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्