नवनियुक्त प्रशिक्षक पटवालकाे लक्ष्य: नेपाली क्रिकेटलाई टी–२० विश्वकपमा पुर्‍याउने

जेठ १७, २०७६ शुक्रबार १९:३२:५४ | उज्यालो सहकर्मी

काठमाण्डाै - नेपाली राष्ट्रिय क्रिकेट टिमको मुख्य प्रशिक्षकमा नियुक्त भएका उमेश पटवालले एक वर्षमा आफ्नाे लक्ष्य नेपाली टाेलीलाई अष्ट्रेलियामा हुने टी–२० विश्वकपमा पुर्‍याउने रहेको बताएका छन् ।

पहिलो पटक राष्ट्रिय टिमको मुख्य प्रशिक्षकका रुपमा नेपाल आएका पटवालसँग एक वर्षको सम्झौता भएको छ । अहिले के कसरी जाने भन्दा पनि आगामी केहि महिना हामी सबैका लागि निकै महत्वपूर्ण रहेको बताए । उनले टी–२० विश्वकप छनोट आउदैछ, त्यसमा राम्रो गरेर नेपाललाई एउटा बलियो क्रिकेट देशका रुपमा चिनाउने कुरामा ध्यान केन्द्रित हुने उल्लेख गरे । विश्वकप क्वालिफायर्सका लागि अझै केही समय बाँकी रहेका बेला खेलाडीले राम्रो प्रतिस्पर्धात्मक खेल्नु नै ठूलो कुरा रहेको बताए ।

साथै उनले ३० खेलाडी भन्दा पनि यू–१५ र यू–१९ लेभलको क्रिकेटलाई पनि विकास गर्न आवश्यक रहेकाे र यसका लागि आफूलाई जिम्मेवारी दिइएमा निकै खुसी हुने बताए । प्रशिक्षक पटवालले नेपाली खेलाडीको ‘प्यासन’ र ‘डेडिकेसन’ देखेर नेपालको प्रशिक्षकका रुपमा आएको बताए । उनीहरुको ‘डेडिकेसन’मा आफूले उर्जा थप्न सक्नेमा विश्वस्त रहेको पनि उनले बताए । पटवालको कार्यकाल जुन १० तारिखबाट सुरु हुनेछ ।

यस्तै कप्तान पारस खड्काले पटवालको नतीजा र उनको क्षमतालाई हेरेर आईसीसीले नेपालको जिम्मेवारी दिएको बताए । साथै उनले यो राम्रो सुरुवात रहेको बताउँदै कोही प्रशिक्षक वा खेलाडी आउँदैमा रातारात क्रिकेट परिवर्तन हुँदैन, त्यसका लागि धेरै पक्षको परिवर्तन हुन आवश्यक रहेकाे बताए ।

उनले खेलाडीकै कारण नेपाली क्रिकेट यहाँसम्म पुगेको तर अब खेलाडीले खेलेर मात्र माथि नजाने बरु सबै पक्षको सही काम भएका नेपाली क्रिकेटले आउँदा दिनमा एक तह माथि उठ्ने बताए ।

कप्तान पारसले अबको केही महिनामा विश्वकप छनोट लगायतका प्रतियोगिताहरु खेल्नुपर्ने र त्यसका लागि सक्षम प्रशिक्षक आएको बताए । यस्तै यसअघिका मुख्य प्रशिक्षक जगत टमाटाको भूमिका के हुने भन्नेमा आईसीसीले नै निर्णय गर्ने उनले बताए । यसका साथै उनले आगामी दिनमा कोचिङ स्टाफ लगायत टिममा को के हुने भन्ने पनि आईसीसीको भरमा रहेको बताए ।

पटवाल तेस्रो पटक नेपाली क्रिकेटको प्रशिक्षकका रुपमा नेपाल आउन लागेका हुन् । यसअघि नामिवियामा भएको आईसीसी डिभिजन-२ मा कन्सल्ट्यान्ट प्रशिक्षकका रुपमा आएका पटवाल यूएई विरुद्धको एक दिवसीय र टी–२० सिरिजका लागि पनि नेपाली टिमका सल्लाहकार भएर आएका थिए ।

यसअघि प्रशिक्षक पुबुदु दाशानायके फर्किएपछि नेपाली टिमलाई जगत टमाटाले सम्हाल्दै आएका थिए । तर अब नेपाली क्रिकेटमा प्रशिक्षकसँगै उमेर समूहका क्रिकेट टिम तयार र नयाँ योजना बनाउन आवश्यक रहेकाले नयाँ प्रशिक्षकको खाँचो रहेको भन्दै परिषद्ले आईसीसीसँग आग्रह गरेको थियो । जसमा आइसीसीले नेपाली क्रिकेटलाई राम्रोसँग बुझेका कारण पटवाललाई नेपाल पठाएको हो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्