सोनिया गान्धी बनिन् भारतीय कांग्रेस संसदीय दलकी नेतृ

जेठ १८, २०७६ शनिबार १५:४३:५४ | एजेन्सी

संयुक्त प्रगतिशील गठबन्धन (यूपीए) की प्रमुख सोनिया गान्धी कांग्रेस संसदीय दलकी नेतृका रुपमा चुनिएकी छिन् ।

शनिबार कांग्रेसका लोकसभाका लागि नवनिर्वाचित ५२ सदस्यहरु र राज्यसभा सांसदहरुले संसदको केन्द्रीय सभामा भएको बैठकमा सोनिया गान्धीलाई कांग्रेस पार्टीको संसदीय दलकी नेतृका रुपमा चुनिएको हो । संसदीय दलमा लोकसभा र राज्यसभाका सदस्यहरु हुन्छन् ।

कांग्रेसका मिडिया सेलका प्रमुख रणदीप सिंह सुरजेवालाले सामाजिक सञ्जाल ट्विटरमा ट्वीट गर्दै यो कुराको जानकारी दिएका हुन् । ‘सोनिया गान्धीलाई कांग्रेस संसदीय दलको नेतृका रुपमा चुनिएको छ ।’ उनले भनेकी छिन्, ‘कांग्रेसमा फेरि विश्वास जगाउने १२ दशमलव १३ करोड मतदाताहरुलाई धन्यवाद दिन्छौँ ।’

— Randeep Singh Surjewala (@rssurjewala) June 1, 2019

बैठकमा सबैको नजर पार्टी अध्यक्ष राहुल गान्धीमाथि थियो । राहुलले लोकसभा चुनावमा नमिठो पराजयसँगै राजीनामा पनि पेस गरेका थिए । तर उनको राजीनामालाई पार्टीले खारेज गरेको थियो । कांग्रेसका वरिष्ठ नेता शशि थरुरले पनि राहुल गान्धी नै कांग्रेसको भविष्य भएको बताएका थिए ।

राहुलले कांग्रेस संसदीय दलकी नेतृको रुपमा चुनिएकी सोनिया गान्धीलाई बधाई दिए । उनले ट्वीट गरेका छन्, ‘उनको (सोनिया गान्धी) नेतृत्वमा कांग्रेस एक मजबुत र प्रभावी विपक्षी पार्टी साबित हुनेछ, जसले भारतको संविधानको रक्षाको लागि संघर्ष गर्छ ।’ बैठकमा राहुल गान्धीले पनि कांग्रेसका सबै कार्यकर्ता र मतदाताहरुलाई पनि धन्यवाद भनेका थिए ।

— Rahul Gandhi (@RahulGandhi) June 1, 2019

जम्मा ५२ सांसदको मद्दतमा कांग्रेसका नेताले प्रतिपक्षको पद यस वर्ष पनि पाउने छैनन् । नियमका अनुसार नेताले प्रतिपक्ष पद पाउनका लागि पार्टीको कुल संसदीय सिटको १० प्रतिशत सिट अनिवार्य हुन्छ ।

लोकसभामा सदस्यको संख्या ५४५ छ र कांग्रेसका नेताले प्रतिपक्षको पद प्राप्त गर्न तीन सिट संख्या कम छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्