युरोपियन नेशन्स लिगको उपाधिका लागि पोर्चुगल र नेदरल्याण्ड खेल्ने

जेठ २४, २०७६ शुक्रबार १०:४०:१३ | एजेन्सी

युरोपियन नेशन्स लिगको उपाधिका लागि पोर्चुगल र नेदरल्याण्ड खेल्ने भएका छन् । दोस्रो सेमिफाइनलमा नेदरल्याण्डले इंग्ल्याण्डलाई ३–१ ले पराजित गर्दै फाइनलमा प्रवेश गर्‍यो । यसअघि भएको पहिलो सेमिफाइनलमा पोर्चुगलले स्वीट्जरल्याण्डलाई हराउँदै फाइनलमा स्थान बनाएको थियो ।

नेदरल्याण्ड्समा भएको खेलमा नियमित समय १–१ गोलको बराबरीमा टुंगिएको थियो । त्यसपछि थपिएको अतिरिक्त समयमा नेदरल्याण्डले दुई गोल गर्‍यो । जसमा एक गोल आत्मघाती पाएको थियो ।

३२ औं मिनेटमा मार्कस रासफोर्डले पेनाल्टीमार्फत गोल गर्दै इंग्ल्याण्डलाई अग्रता दिलाएका थिए । ७३ औं मिनेटमा माथियास डि लाइटले गोल गर्दै खेल बराबरीमा पुर्‍याए । निर्धारित ९० मिनेटको खेल बराबरीमा सकिएपछि अतिरिक्त समय थपिएको थियो ।

अतिरिक्त समयको सातौं मिनेटमा केल वाल्करले आत्मघाती गोल गरेपछि नेदरल्याण्डले अग्रता लियो । २४औं मिनेटमा क्वीन्सी प्रोम्सले गोल गरेपछि नेदरल्याण्डले फाइनलको यात्रा पक्का पार्‍यो ।

नेदरल्याण्ड फाइनलमा पुग्दा इंग्ल्याण्ड भने तेस्रो स्थानका लागि खेल्नेछ । तेस्रो स्थानका लागि आइतबार हुने प्रतिस्पर्धामा इंग्ल्याण्ड र स्वीट्जरल्याण्ड खेल्नेछन् । फाइनल खेल भने सोमबार हुनेछ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्