युरोकप छनोट : पोल्याण्डद्वारा इजरायल पराजित

जेठ २८, २०७६ मंगलबार ८:३१:१४ | एजेन्सी

युरोकप छनोट प्रतियोगिता अन्तर्गत समूह जीमा पोल्याण्डले शतप्रतिशत जित निकालेको छ । सोमबार भएको खेलमा पोल्याण्डले इजरायललाई ४–० ले हरायो ।

यो जितसँगै पोल्याण्ड समूह जीको शीर्ष स्थानमा उक्लिएको छ । उसले चार खेलबाट १२ अंक बनाएको छ । पोल्याण्डको वर्सामा भएको खेलको ३५ औं मिनेटमा घरेलु टोलीले अग्रता लियो । उसका लागि क्रिष्टोफ पियाटेकले गोल गरेका थिए ।

पहिलो हाफमा सोही गोलको अग्रता कायम राखेको पोल्याण्डले ५६औं मिनेटमा पेनाल्टी पायो । पेनाल्टीलाई रोबर्ट लेवान्दोस्कीले गोलमा परिणत गर्दै पोल्याण्डको अग्रता २–० मा लम्ब्याए । त्यसको दुई मिनेटपछि कामिल ग्रोसिकीले गोल गर्दै पोल्याण्डको अग्रता ३–० मा पुर्‍याए । ८४औं मिनेटमा दमिन कात्जोरले गोल गरेपछि पोल्याण्डले ४–० को जित निकालेको हो ।

यूरो कप छनोट अन्तर्गत सोमबार राति चेक रिपब्लिकले मोन्टेनेग्रोलाई ३–० ले हरायो भने कोसोभोले बुल्गेरियालाई ३–२ ले पराजित ग¥यो । यस्तै युक्रेनले लग्जम्बर्गलाई १–० ले हरायो भने सर्वियाले लिथ्वानियामाथि ४–१ को जित निकाल्यो ।

आयरल्याण्ड रिपब्लिक जिब्राल्टरलाई २–० ले हराउँदै समूह डीको शीर्ष स्थानमा उक्लिएको छ । यस समूहमा डेनमार्कले जर्जियालाई ५–१ ले हराएपछि समूुहको दोस्रो स्थानमा उक्लिन सफल भएको छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्