पानीको चरम अभावपछि कम्पनीले कर्मचारीलाई भन्यो : अफिसमा पानी छैन, घरमै बसेर काम गर्नुस्

जेठ ३०, २०७६ बिहीबार १५:४९:३७ | एजेन्सी

सुख्खायाम सुरु भएसँगै भारतमा पानीको हाहाकार मच्चिएको छ । पानीको जोहो गर्नकै लागि अहिले मानिसहरु निकै टाढा पुग्नुपर्ने बाध्यता छ ।

पानीको संकट बढेपछि चेन्नईको ओल्ड महाबलिपुरम रोड (ओएमआर) मा रहेको (सूचना तथा प्रविधि) आईटी कम्पनीहरुले कर्मचारीहरुलाई घरमै बसेर काम गर्न भनेका छन् । यसको पछाडिको कारण पानी नै हो ।

रिपोर्टका अनुसार, झण्डै दुई सय दिनदेखि शहरमा वर्षा भएको छैन र आगामी तीन महिनासम्म पानीको संकट टार्ने कुनै उपाय नै छैन । यही अवस्थालाई ध्यानमा राख्दै कम्पनीहरुले कर्मचारीको सुविधामा ध्यान राख्दै जहाँबाट भए पनि काम गर्ने सल्लाह दिएका छन् ।

आईटी कम्पनीहरु यतिखेर पानी खपत गर्नका लागि पहल गरिरहेका छन् । यसका लागि उनीहरुले जल प्रबन्ध बोर्डसँग कुरा गरिरहेको बताएका छन् ।

भारतीय सञ्चारसंस्था टाइम्स अफ् इण्डियाका अनुसार, १२ वटा कम्पनीमा काम गर्ने झण्डै पाँच हजार प्राविधिक कर्मचारीहरुलाई घरमै बसेर काम गर्न भनेका छन् ।

ओएमआरमा गर्मीयाममा प्रति दिन तीन करोड लिटर पानी आवश्यक हुन्छ । जसमध्ये धेरै पानी बाहिरबाट ल्याइन्छ र ६० प्रतिशतभन्दा बढी पानी आईटी कम्पनी र अन्य कार्यालयमा खपत हुन्छ ।

पानीको चरम अभाव देखिएपछि अहिले मानिसहरु ट्याङकर आउँदा पनि खुशी हुने गरेका छन् ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

पानीको चरम अभावपछि कम्पनीले कर्मचारीलाई भन्यो : अफिसमा पानी छैन, घरमै बसेर काम गर्नुस्

तस्बिर - इण्डिया टुडे

तपाईको प्रतिक्रिया