माउरिसियो सार्री युभेन्टस जाने, लाम्पार्ड चेल्सीका नयाँ प्रशिक्षक

जेठ ३१, २०७६ शुक्रबार ७:२६:२६ | उज्यालो सहकर्मी

इंग्लिस क्लब चेल्सीले प्रशिक्षक माउरिसियो सार्रीलाई इटालियन च्याम्पियन युभेन्टस जानका लागि बाटो खुला गरिदिएको छ ।

चेल्सीलाई प्रिमियर लिगमा तेस्रो र युरोपा लिगको उपाधि जिताएका सार्रीलाई युभेन्टस जानका लागि सैद्धान्तिक सम्झौता भएको हो । जसको आधिकारिक सम्झौता शुक्रबार नै हुने बताइएको छ ।

गएको वर्षको जुलाईमा चेल्सीले तीन वर्षको सम्झौता गरेको थियो । रोमन इब्राहिमोभिचले चेल्सी किनेपछि सार्री क्लब छोड्ने नवौं प्रशिक्षक हुनेछन् । प्रिमियर लिग र युरोपा लिगको प्रदर्शन बाहेक सार्रीको सबैभन्दा ठूलो समस्या खेलाडीसँगको सम्बन्धमा देखियो ।

गएको फेब्रुअरीमा कारबाओ कपको फाइनलमा गोलकिपर केपाले सब्स्टिच्युट हुन मानेका थिएनन् । जुन खेलमा चेल्सी म्यानचेस्टर सिटीसँग पेनाल्टीमा पराजित भएको थियो ।

क्लबका वरिष्ठ अधिकारीका अनुसार, पूर्व खेलाडी फ्राङ्क लाम्पार्ड प्रशिक्षकका रुपमा स्ट्याम्फर्ड ब्रिजमा आउँदैछन् । डर्बी काउन्टिलाई च्याम्पियनसिप प्लेअफसम्म पुर्‍याएका लाम्पार्ड चेल्सीका सर्वाधिक गोलकर्ता पनि हुन् ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्