शुक्रबार काठमाण्डौको तापक्रम यो वर्षकै उच्च

जेठ ३२, २०७६ शनिबार ७:२८:४६ | उज्यालो सहकर्मी

काठमाण्डौ – काठमाण्डौमा शनिबार बिहानै चर्को घाम लागेको छ ।

शुक्रबारको अधिकतम तापक्रम यो वर्षकै उच्च ३३ दशमलव ५ डिग्री सेल्सियस पुगेको थियो । काठमाण्डौमा शनिबार बिहानको तापक्रम १९ दशमलव ४ डिग्री सेल्सियस मापन गरिएको मौसम पूर्वानुमान महाशाखाले जनाएको छ ।

शनिबार काठमाण्डौको तापक्रम ३१ देखि ३३ डिग्री सेल्सियससम्म पुग्ने महाशाखाको अनुमान छ । महाशाखाका मौसमविद् सुवास रिमालका अनुसार अहिले चर्को घाम लागे पनि दिउँसोपछि आशिंक बदली भएर बेलुकीतिर उपत्यकाको थोरै ठाउँमा फाट्टफुट्ट पानी पर्ने संभावना छ । एक दुई ठाउँमा मेघगर्जन र हुरीबतास पनि चल्ने उहाँको अनुमान छ ।

यस्तै भैरहवाको अधिकतम तापक्रम पनि शुक्रबार यो वर्षकै उच्च ४२ दशमलव १ डिग्री सेल्सियस पुगेको छ । गएको ३ गते भैरहवाको तापक्रम ४१ दशमलव ८ डिग्री सेल्सियस मापन गरिएको थियो । त्यसयता घटेको तापक्रम हिजो भने ४२ दशमलव १ डिग्री सेल्सियस मापन गरिएको महाशाखाले जनाएको छ ।

यस्तै अरु ठाउँमा पनि तापक्रम बढेर जनजीवन कष्टकर भएको छ । हिजो धनगढीको तापक्रम ४२ दशमलव ३ डिग्री सेल्सियस, दिपायलको ४२ दशमलव १ डिग्री सेल्सियस र नेपालगन्जको ४१ दशमलव ५ डिग्री सेल्सियस मापन गरिएको मौसम पुर्वानुमान महाशाखाले जनाएको छ ।

अहिले पूर्वको मौसम भने पूर्ण रुपमा बदली भएको मौसमविद् सुवास रिमालले जानकारी दिनुभयो । अरु ठाउँको मौसम सफा छ । उहाँका अनुसार सुनसरीदेखि पूर्वमा पूर्ण बदली भई केहि ठाउँमा मेघगर्जन र हावाहुरीसहित पानी परिरहेको छ । यो क्रम अबको दुई तीन घण्टासम्म चलेर त्यसपछि मौसम खुल्नेछ । तर फेरि दिउँसोपछि बदली भई पानी बेलुकीतिर फाट्टफुट्ट पानी पर्ने उहाँको अनुमान छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्