काेपा अमेरिका फुटबल : बाेलिभियालाई ३-० ले हराउँदै ब्राजिलकाे विजयी सुरुवात

जेठ ३२, २०७६ शनिबार ८:२५:४४ | उज्यालो सहकर्मी

कोपा अमेरिका फुटबलमा घरेलु टोली ब्राजिलले विजयी सुरुवात गरेको छ । शनिबार बिहान भएको खेलमा ब्राजिलले बोलिभियालाई ३–० गोलले पराजित गरेको हो ।

ब्राजिलको जितमा २ गोल फिलिप काउन्टिन्होले गरेका थिए भने एक गोल इभर्टन सुसाले थपे ।

सुरुदेखि बोलिभियाविरुद्ध बल पोजेशन बढी राखेप नि गोल गर्न भने ब्राजिललाई दोस्रो हाफ कुर्नु परेको थियो । ५० औं मिनेटमा बोलिभियाका खेलाडीले डी बक्समा फल गरेपछि पाएको पेनाल्टीलाई फिलिप काउटिन्होले गोल गर्दै ब्राजिललाई १–० को अग्रता दिलाए । त्यसका तीन मिनेट पछि काउटिन्होले नै टिमका लागि र व्यक्तिगत दोस्रो गोल गरे ।

दोस्रो गोल काउटिन्होले रोबर्टो फिर्मिन्होको पासमा गोल गरेका थिए । ८५ औं मिनेटमा इभर्टन सुसाले फिरमिन्होको पासमा गोल गर्दै ब्राजिललाई ३–० को अवस्थामा पुर्‍याए ।

ब्राजिलसामु निरीह देखिएको बोलिभियाले जम्मा २८ प्रतिशत बलमा मात्रै नियन्त्रण कायम गर्न सकेको थियो ।

प्रतियोगिताअन्तर्गत आज समूह ए मा रहेका पेरु र भेनेजुएलाबीच खेल हुनेछ । समूह बीअन्तर्गत अर्जेन्टिना र कोलोम्बियाबिचको खेल पनि हुनेछ । पहिलो खेल आइतबार बिहान पौने १ बजे र दोस्रो खेल बिहान पौने ४ बजे सुरु हुनेछ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्