फिफा विश्वकप महिला फुटबल: नेदरल्याण्ड्सकाे दोस्रो जित

जेठ ३२, २०७६ शनिबार २१:९:४९ | उज्यालो सहकर्मी

फिफा विश्वकप महिला फुटबलमा नेदरल्याण्ड्सले दोस्रो जित हासिल गरेको छ ।

पहिलो खेलमा न्युजिल्याण्डलाई पराजित गरेको नेदरल्याण्डसले शनिबार क्यामरुनलाई ३–१ गोल अन्तरले पराजित गरेको हो । जितसँगै ६ अंक जोड्दै नेदरल्याण्ड्स समूह ई मा शीर्ष स्थानमा यथावत रहेको छ ।

नेदरल्याण्ड्सका लागि ४१ औं मिनेटमा भिभाने मेडिमाले सान्सी भान डी सानडेनको पासमा गोल गर्दै सुरुआती अग्रता दिलाएकी थिइन् । १ गोलले पछि परेको क्यामरुनले २ मिनेटपछि नै बराबरी गोल गरेको थियो । ४३ औं मिनेटमा ग्याब्रिल ओनगुनेले बराबरी गोल गरेकी हुन् ।

पहिलो हाफमा दुवै टिमले एक एक गोलको बराबरी गरे पनि दोस्रो हाफमा नेदरल्याण्ड्सले निर्णायक गोल गरेको थियो । ४८ औं मिनेटमा डोमोनिक बलडवोर्थले गोल गर्दै नेदरल्याण्ड्सलाई २–१ ले अघि बढाइन् ।

८५ औं मिनेटमा भिभाने मेडिमाले व्यक्तिगत दोस्रो तथा टिमका लागि तेस्रो गोल गरिन् । त्यसपछि थप गोल नभएपछि नेदरल्याण्ड्स ३–१ गोल अन्तरले विजयी भयो । पराजित भएको क्यामरुन भने प्रतियोगितबाट बाहिरिएको छ । अन्तिम खेलमा क्यामरुनले न्यूजिल्याण्डसँग खेल्न बाँकी छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्