राेचले लिए १२ बलमा ५ विकेट, बंगलादेश ४३ रनमा अल अाउट

असार २१, २०७५ बिहीबार १९:२७:३७ | उज्यालो सहकर्मी

सर भिभियन रिचर्डस स्टेडियम, एण्टिगुआमा चलिरहेको टेस्टमा वेष्ट इन्डिजले पहिलो पारीमा बंगलादेशलाई जम्मा ४३ रनमा अल आउट गरेको छ ।

यो टेस्ट क्रिकेटको इतिहासमा एकै पारीमा सबैभन्दा थोरै रनमा अल आउट भएको विश्व कीर्तिमान भने होइन । यसभन्दा अघि सन् १९७४ मा भारत इंग्ल्याण्डसँग एकै पारीमा ४२ रनमा अल आउट भएको थियो ।

बंगलादेशको क्रिकेट इतिहासमा भने यो सबैभन्दा थोरै रनमा अल आउट भएको कीर्तिमान हो । यसअघि सन् २००७ मा श्रीलंकासँग ६२ रनमा अल आउट भएको थियो ।

एण्टिगुआ टेस्टमा पहिला ब्याटिङ गरेको बंगलादेश वेष्ट इन्डिजका सामू १८.२ ओभरमात्र क्रिजमा टिक्न सक्यो ।

वेष्ट इन्डिजका बलर केमार रोचले ५ ओभरमा जम्मा ८ रन खर्चेर ५ विकेट लिए । यो खेलमा उनले १२ बलभित्र ५ विकेट लिने विश्वका तेस्रा खेलाडी बन्न पुगेका छन् ।

यसअघि सन् १९०२ मा अष्ट्रेलियाका मोण्टी नोबलले इंग्ल्याण्डविरुद्ध र त्यसको ठीक एक सय वर्षपछि दक्षिण अफ्रिकाका ज्याक क्यालिसले सन् २००२मा बंगलादेशकै विरुद्ध १२ बलभित्र ५ विकेट लिने कीर्तिमान बनाइसकेका छन् ।

एन्टिंगा टेस्टमा ४३ रन बनाउने क्रममा लेटन दास एक्लैले २५ रन बनाएका थिए भने बाँकी १८ रन अन्य ९ ब्याट्सम्यानहरुले बनाएका हुन् ।

बंगलादेशका कप्तान र विश्वकै उत्कृष्ट अल राउण्डर शाकिव अल हसन पनि वेष्ट इन्डिजका बलरहरुसामू नीरिह रहे । उनले एक रन पनि बनाउन सकेनन् । उनी बाहेक अन्य ३ ब्याट्सम्यानहरुले पनि रनको खाता खोल्न सकेनन् ।

जवाफी ब्याटिङ गर्दै वेष्ट इन्डिजले पहिलो दिनको खेल सकिउन्जेल ६८ ओभर खेल्दै २ विकेटको क्षतिमा २०१ रन बनाएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्