हुम्ला जीप दुर्घटना : सबैकाे निधन भएकाे भन्दै गाउँपालिकाद्वारा शोक प्रस्ताव पारित

असार ५, २०७६ बिहीबार १७:२:४१ | उज्यालो सहकर्मी

हुम्ला – हुम्लाको खार्पुनाथ गाउँपालिका ५ मा गएको मंगलबार भएको जीप दुर्घटनामा परेर बेपत्ता भएका व्यक्तिका परिवारलाई गाउँपालिकाले १०/१० हजार सहयोग उपलब्ध गराउने निर्णय गरेको छ ।

१० जना चढेको लु १ ज ७१६६ नम्बरको जीप खार्पुनाथ गाउँपालिका–५ बेडुबिसौनाबाट कर्णाली नदीमा खसेको थियो ।

जीप सहित नदिमा खसेका व्यक्तिहरुको अवस्था अझैसम्म पनि थाहा हुन सकेको छैन । खोजीमा तालिम प्राप्त गोताखोरसहितको टोली बुधबारबाटै खटिएको भए पनि अझैसम्म पनि भेट्न सकेको छैन ।

तर गाउँपालिकाको कार्यसमिति बैठकले भने बेपत्ता भएकाहरुको मृत्यु भएको ठहर गर्दै शोक प्रस्ताव पारित गरेको खार्पुनाथ गाउँपालिका वडा नम्बर ५ का अध्यक्ष भीमराज शाहीले बताउनुभयो ।

शोक प्रस्ताव पारित गर्दै बेपत्ता भएका व्यक्तिका परिवारलाई क्रिया खर्चबापत १० हजार रुपैयाँ उपलब्ध गराउने निर्णय भएको गाउँपालिका अध्यक्ष शाहीले बताउनुभयो ।

खोजीका क्रममा गाउँपालिका उपाध्यक्ष सिन्धु हमाल शाहीले बोकेको ब्याग फेला परेको भए भए पनि जीप र त्यसमा रहेका यात्रु फेला नपरेको र खोजी भइरहेको वडा नम्बर पाँचका वडाध्यक्ष भीमराज शाहीले बताउनुभयो ।

हराइरहेको जीपसहित त्यसमा रहेका यात्रुको खोजीका लागि गोताखोरसहित सशस्त्र प्रहरीको १० जनाको टोली खटिएको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्