सन्दीप र साेमपालले ग्लोबल टी–२० क्रिकेटको सुरुआती खेल गुमाउने सम्भावना प्रबल

असार ६, २०७६ शुक्रबार १४:३०:४४ | उज्यालो सहकर्मी

नेपाली राष्ट्रिय क्रिकेट टिमका दुई महत्वपूर्ण सदस्य सन्दीप लामिछाने र सोमपाल कामीले आउँदाे जुलाइ अन्तिम सातादेखि क्यानडामा आयोजना हुने ग्लोबल टी–२० क्रिकेटको सुरुआती खेल गुमाउने सम्भावना छ ।

अहिले नेपाली राष्ट्रिय टिमको बन्द प्रशिक्षणमा रहेका यी दुई खेलाडी त्यस प्रतियोगिताका लागि बिहीबार छनोट भएका हुन् । ग्लोबल टी–२० प्रतियोगिता जुलाइ २५ देखि अगष्ट ११ सम्म हुनेछ । तर यसको विस्तृत तालिका भने अझै सार्वजनिक गरिएको छैन ।

नेपालको राष्ट्रिय टिमले यही समयमा आईसीसी टी–२० विश्वकप एसिया छनोट खेल्दैछ । सिंगापुरमा जुलाइ २२ देखि २८ सम्म यो प्रतियोगिता हुँदैछ । नेपालले २३ तारिखमा कतार, २४ तारिखमा मलेसिया, २७ तारिखमा कुवेत र २८ तारिखमा सिंगापुरसँग खेल्नेछ । राष्ट्रिय टिमको खेल र ग्लोबल टी–२० को मिति जुधेकाले सन्दीप र सोमपालले क्यानडामा सुरुआती खेल गुमाउने सम्भावना रहेकाे हाे ।

सन्दीप टोरन्टो नेशनल्स र सोमपाल विनीपिग हक्समा अनुबन्धित भएका छन् । सोमपाल पहिलो पटक विदेशी टी–२० लिगमा छनोट भएका हुन् । सन्दीप लगातार दोस्रो पटक यो लिग खेल्दैछन् । सन्दीपले गएकाे सिजनमा मन्ट्रियल टाइगर्सबाट खेलेका थिए ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्