सन्दीप र सोमपाल भन्छन्- पहिला राष्ट्रिय टिम, अनि मात्र ग्लाेबल टी-२०

असार ६, २०७६ शुक्रबार १६:५४:४७ | उज्यालो सहकर्मी

काठमाण्डौ –नेपाली राष्ट्रिय क्रिकेट टिमका दुई महत्वपूर्ण सदस्य सन्दीप लामिछाने र सोमपाल कामीले ग्लोबल टी-२० क्रिकेटको सुरुवाती तीन खेल गुमाउने भएका छन् ।

ग्लोबल टी-२० प्रतियोगिता जुलाई २५ देखि अगष्ट ११ सम्म क्यानडामा हुने छ । ग्लोबल टी-२० प्रतियोगिताको विस्तृत तालिका भने अझै सार्वजनिक गरिएको छैन।

नेपालको राष्ट्रिय टिमले यही समयमा आईसीसी टी-२० विश्वकप एसिया छनोट खेल्दै छ । सिंगापुरमा जुलाई २२ देखि जुलाई २८ सम्म यो प्रतियोगिता हुँदैछ ।

नेपालले २३ तारिखमा कतार, २४ तारिखमा मलेसिया, २७ तारिखमा कुवेत र २८ तारिखमा सिंगापुरसँग खेल्ने छ । राष्ट्रिय टिमको खेल र ग्लोबल टी-२० को मिति जुधेकाले सन्दीप र सोमपालले क्यानडामा सुरुवाती तीन खेल गुमाउने काठमाण्डौमा आयोजित पत्रकार सम्मेलनमा जानकारी दिइएको ।

पत्रकार सम्मेलनमा सोमपालले भने ‘ग्लोबल टी-२० का लागि छनोट भएकोमा खुशी लागेको छ, तर मैले सुरुका तीन खेल खेल्न पाउने छैन, किन भने ग्लोबल टी-२० भन्दा मेरो राष्ट्रिय टिम महत्वपूर्ण हो ।’

पत्रकार सम्मेलनमा सन्दीप लामिछानले पहिलो पटक सोमपाल कामी विदेशी लिगमा आबद्ध हुनु नेपाली क्रिकेटलाई थप सफलता मिलेको भन्दै खुशी व्यक्त गरे । आफूले विगतमा पनि यो लिग खेलिसकेकाले यस पटक टिम परिवर्तन भएको र यसमा खेल्न उत्साहित नै रहेको सन्दीपले बताए ।

सन्दीप टोरन्टो नेशनल्स र सोमपाल विनीपिग हक्समा अनुबन्धित भएका छन् । सोमपाल पहिलो पटक विदेशी टी-२० लिगमा छनोट भएका हुन् । सन्दीप लगातार दोस्रो पटक यो लिग खेल्दैछन् । सन्दीपले गत सिजनमा मन्ट्रियल टाइगर्सबाट खेलेका थिए ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्