विश्वकप क्रिकेट : पाकिस्तान र दक्षिण अफ्रिका खेल्दै

असार ८, २०७६ आइतबार १०:४९:३५ | उज्यालो सहकर्मी

दक्षिण अफ्रिकाको विश्वकप यात्रा समूह चरणबाट माथि नजाने लगभग निश्चित भइसकेको छ । पछिल्लो खेलमा न्यूजिल्याण्डसँगको साँघुरो हारले बाँकी सबै खेल जिते पनि सेमिफाइनलमा पुग्न अन्य टिमको नतिजामा भर पर्नुपर्छ ।

दक्षिण अफ्रिकाले १० टोली सम्मिलित विश्वकपको राउण्ड रोविन लिग चरणको आफ्नो सातौं खेलमा आइतबार पाकिस्तानसँग लर्डसमा प्रतिस्पर्धा गर्दैछ । यस खेल नेपाली समयअनुसार दिउँसो सवा तीन बजेदेखि सुरु हुनेछ ।

५ खेलबाट १ जितसहित १ अंक जोडेको पाकिस्तानको प्रदर्शन पनि यस विश्वकपमा अनिश्चित छ । पहिलो खेलमा वेष्ट इण्डिजसँग पराजित भए पनि दोस्रो खेलमा घरेलु टोली इंग्ल्याण्डलाई हराएर सनसनी मच्चाएको पाकिस्तानले त्यसपछिका २ खेलमा क्रमसः अष्ट्रेलिया र भारतविरुद्ध कमजोर प्रदर्शन गरेको छ ।

भारतविरुद्ध ८९ रनले हारेको पछिल्लो खेलमा पाकिस्तान तीनै क्षेत्र (ब्याटिङ बलिङ र फिल्डिङ)मा कमजोर देखिएको थियो । सेमिफाइनलमा पुग्ने आशा कायमै राख्नका लागि पाकिस्तानका लागि पनि यो खेल गर या मरको अवस्थामा छ ।

पाकिस्तानका मोहम्मद आमिरले विश्वकपमा अहिलेसम्म सानदार प्रदर्शन गरिरहेका छन् । पाकिस्तानी टिममा उनको छेउछाउको प्रदर्शन गर्ने एउटा खेलाडी पनि छैनन् । ठूला टोलीविरुद्धको खेलमा राम्रो नतिजा ल्याउनका लागि सबै क्षेत्रबाट सन्तुलित प्रदर्शन जरुरी हुन्छ ।

दक्षिण अफ्रिकाको बलरहरुले विपक्षीलाई चुनौति दिए पनि ब्याट्सम्यानहरुले अहिलेसम्म आफूलाई प्रमाणित गर्न सकेका छैनन् । त्यसैले त उसले ६ खेलमा अफगानिस्तानबाहेक अन्य कुनै टोलीलाई हराउन सकेको छैन ।

लर्डसको मैदानमा सन् २०१८ को जुलाईपछि पहिलोपल्ट एकदिवशीय खेल आयोजना हुँदैछ । आइतबार लण्डनमा आंशिक बदली हुने अनुमान गरिएको छ र सुख्खा पिचमा स्पिनरहरु प्रभावशाली हुनेछन् ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्