कोपा अमेरिका फुटबल : इक्वेडरलाई हराउँदै क्वार्टरफाइनलमा पुग्ने दाउमा जापान

असार ९, २०७६ सोमबार २०:४२:३० | उज्यालो सहकर्मी

कोपा अमेरिकाअन्तर्गत समूह चरणका अन्तिम दुई खेल मंगलबार बिहान हुँदैछ ।

दुवै खेल नेपाली समयअनुसार बिहान पौने ५ बजे हुने छ । जसमा चिली र उरुग्वे भिड्दा त्यही समयमा एसियाली देश जापान र इक्वेडर आमने सामने हुने छन् ।

दोस्रो पटक दक्षिण अमेरिकी महादेशको प्रतियोगिता कोपा अमेरिका खेलिरहेको जापानलाई दोस्रो चरणमा पुग्ने मौका पनि कायमै छ । उरुग्वे र चिलीबीच समूह विजेता बन्ने होडबाजी रहेका बेला जापानलाई उत्कृष्ट तेस्रो बन्ने वसर छ ।

दुई खेलबाट जापानले अहिलेसम्म १ अंक जोडेको छ भने इक्वेडर अंकविहीन रहेको छ । जापानले इक्वेडरलाई पराजित गरेमा तेस्रो हुनेमध्ये उत्कृष्ट दुई भित्र पर्दै क्वार्टरफाइनल पुग्ने छ ।

समूह एमा चार अंक जोडेर तेस्रो भएको पेरुले क्वार्टरफाइनलमा स्थान पक्का गरिसकेको छ । समूह बीमा तेस्रो स्थानमा रहेको पाराग्वेको २ अंक रहेको छ । यस कारण जापान विजयी भए स्वतः क्वार्टरफाइनल पुग्ने छ । पराजित भए प्रतियोगिबाट बाहिरिने छ भने इक्वेडरसँग बराबरी खेले पनि जापानको समूह चरण पार गर्ने सम्भावना रहने छ । तर त्यसका लागि पाराग्वेलाई गोल अन्तरमा पछि पार्नु पर्ने छ ।

अहिलेसम्म समूह ए बाट घरेलु टोली ब्राजिलका साथै भेनेजुएला र पेरु, समूह बी बाट कोलम्बिया र अर्जेन्टिना, समूह सी बाट चिली र उरुग्वे क्वार्टरफाइनलमा पुगिसकेका छन् ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्